Bizimlə əlaqə | Reklam
BolgeXeber.Com » Gündəm » Prokurorluq və DİN birgə açıqlama yayıb

Prokurorluq və DİN birgə açıqlama yayıb

31-05-2012, 21:15
Oxunub: 6 269 Faktla bağlı saxlanılanlar var

Baş Prokurorluğun mətbuat xidmətindən Bolgexeber.com-a verilən məlumata görə, 2012-ci il mayın 30-da saat 02:30 radələrində Səbail rayonu ərazisində yerləşən və ictimaiyyət arasında «Qırx pilləkən» adlandırılan yerdə Bakı şəhər sakini Natiq Həsənovun üzərində zorakılıq əlamətləri olan meyiti aşkar edilib. Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. “İsti izlər”lə müəyyən edilib ki, mərhum Natiq Həsənov həmin gün tanışı, Rusiya Federasiyasının vətəndaşı, tüfeyli həyat tərzi keçirən, əvvəllər məhkum edilmiş Oleq Borisovets, Bakı şəhər sakinləri Rəşadət Həsənov, Fərid Xasməmmədov və Bahadur adlı şəxs ilə birlikdə spirtli içki qəbul ediblər. Daha sonra Oleq Borisovets Rəşadət Nəsənovla əlbir olaraq mübahisə zəminində Natiq Həsənova çoxsaylı zərbələr endirərək onu qəsdən öldürüblər. Aparılan təxirəsalınmaz istintaq hərəkətləri və əməliyyat-axtarış tədbirləri nəticəsində cinayətin törədilməsində şübhəli bilinən Oleq Borisovets və Rəşadət Həsənov yaxalanıblar. Onlar ilkin ifadələrində törətdikləri cinayət əməlini etiraf ediblər.
Hazırda cinayətin digər iştirakçılarının da tutulması istiqamətində tədbirlər davam etdirilir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]