Bizimlə əlaqə | Reklam
BolgeXeber.Com » Gündəm » Bakıda teleqüllə yaxınlığında minədək döyüş sursatı aşkarlanıb

Bakıda teleqüllə yaxınlığında minədək döyüş sursatı aşkarlanıb

11-11-2010, 13:15
Oxunub: 8 411 ]
Hazırda ərazidə əməliyyat qrupu iş aparır

Paytaxt Bakıda yerləşən televiziya qülləsinin yaxınlığında minədək döyüş sursatı aşkar edilib. Bu barədə ANAMA-nın baş direktoru Nazim İsmayılov bu gün keçirilən mətbuat konfransında məlumat verib. Onun sözlərinə görə, bu barədə ANAMA-ya məlumat dünən Fövqəladə Hallar Nazirliyindən daxil olub.

“Hazırda ərazidə aidiyyatı orqanlarla birgə 14 nəfərlik xüsusi əməliyyat qrupu işləyir. Oradakı döyüş sursatlarından bəzilərinin döyüş başlığı üzərindədir. Onların içərisində müxtəlif çaplı döyüş sursatı, eyni zamanda helikopterlərdən atılan NURS tipli raketlər də var”, - deyə ANAMA-ya daxil olan məlumatda bildirilir.

Nazim İsmayılov qeyd edib ki, araşdırmalar hələ bir həftə davam edəcək və aşkar edilən sursatların bir qismi agentliyin poliqonunda, bəziləri isə elə yerində partladılaraq məhv ediləcək.

Baş direktor həmin sursatların əraziyə kim tərəfindən atılması barədə araşdırma aparıldığını da qeyd edib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]