Bizimlə əlaqə | Reklam
BolgeXeber.Com » Gündəm » Azərbaycan gəmiləri “Uran-E” raket kompleksləri ilə silahlandırılacaq

Azərbaycan gəmiləri “Uran-E” raket kompleksləri ilə silahlandırılacaq

19-07-2012, 12:10
Oxunub: 5 755 “Uran-E” kompleksi 5 min tona qədər çəkili suüstü gəmilərin məhvi üçün nəzərdə tutulub

Azərbaycan Rusiyanın “Taktik Raket Silahlandırmaları” Korporasiyasına “Uran-E” gəmi raket kompleksləri sifariş verib. APA-nın xəbərinə görə, bu barədə adıçəkilən şirkətin hesabatında məlumat verilib.

Azərbaycan 2010-cu ildə 75 milyon ABŞ dolları dəyərində “Uran-E” kompleksinin satın alınmasına dair sifariş yerləşdirib. Azərbaycanın sifarişi üzrə komplekslərin çatdırılması 2014-cü ildə yekunlaşmalıdır.

Şirkətin hesabatında Türkmənistan və Qazaxıstan da analoji komplekslər sifariş verdiyi qeyd olunub. Türkmənistanın birinci sifarişinin məbləği 79.8 milyon dollar, ikinci sifarişin məbləği isə 40 milyon dollardır (ikinci sifarişin kompleks və ya raketlər olduğu açıqlanmayıb). Korporasiya Türkmənistanın əsas sifarişləri üzrə çatdırılmaları bu il yekunlaşdıracaq. İkinci sifarişin icrası isə 2014-cü ildə başa çatdırılmalıdır. Qazaxıstanın sifarişi isə 30 milyon dollar həcmindədir və bu ölkənin sifarişi üzrə çatdırılmalara 2013-cü ildə başlanacaq.

Qeyd edək ki, suüstü gəmilərin, katerlərin və köməkçi gəmilərin silahlandırılmasında istifadə olunan “Uran-E” kompleksi 5 min tona qədər çəkili suüstü gəmilərin məhvi üçün nəzərdə tutulub.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]