Gürcüstanda azərbaycanlıların yeni Xeyriyyə Fondu yaradılıb
25-07-2012, 23:10
Oxunub: 4 342
Bolnisi rayonunun Faxralı kəndində Arif Əliyev adına Xeyriyyəçi Fondunun təqdimat mərasimi keçirilib.
APA-nın Gürcüstan bürosunun məlumatına görə, tədbirdən əvvəl hökumət və dövlət, QHT nümayəndələrindən və ziyalılar və Bakıdan, Türkiyədən gələn qonaqlar, kənd sakinləri, məktəblilər və müəllimlər tədbir çərçivəsində Azərbaycan Respublikası Dövlət Neft Şirkətinin Gürcüstan nümayəndəliyinin keçmiş rəsmisi Arif Əliyevin Faxralıdakı məzarını ziyarət ediblər. Sonra Faxralı 1 nömrəli orta məktəbində Arif Əliyev adına Xeyriyyə Fondunun üzvlərinin iştirakı ilə tədbir davam etdirilib.Tədbirdə Kvemo-Kartli bölgə qubernatorunun müavini Hüseyn Yusubov, ARDNŞ-in Gürcüstan nümayəndəliyinin rəsmisi Şövqi Mehdizadə, Gürcüstanın reinteqrasiya məsələləri üzrə dövlət nazirinin müşaviri Savalan Mirzəyev, Bolnisi rayon icra hakimiyyəti başçısı İosif Laliaşvili, onun müavini Ramin Əsədov, Marneuli rayon icra hakimiyyətinin müavini Heydər Musayev çıxış edərək Borçalıda döğulub boya-başa çatan və bir neçə il ARDNŞ-in Gürcüstan nümayəndəliyinin rəhbərlərindən biri olan Arif Əliyevin Borçalıda yaşayan azərbaycanlıların problemlərinin həlli istiqamətində gördüyü işlərdən danışıblar. Natiqlər qeyd ediblər ki, yeni yaradılan Fond Arif Əliyevin xeyriyyəçilik fəaliyyətini davam etdirəcək. Artıq fondun xətti ilə Faxralıda yaşayan 40 aztəminatlı ailə üçün yardım ayrılıb. Yaxın günlərdə Marneuli və Qardabanidə 60-dan çox imkansız ailəyə Fondun köməkliyi ilə yardım ediləcək.
Gürcüstan reinteqrasiya məsələləri üzrə dövlət nazirinin müşaviri Savalan Mirzəyev APA-ya açıqlamasında yeni yaradılan fondun bölgədə xeyriyyəçilik işlərini davam etdirəcəyini bildirib. Onun sözlərinə görə, fonda üzv könüllülük əsasındadır və büdcəyə yığılan vəsait soydaşlarımızın problemlərinin həlli üçün sərf olunacaq.
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 25-03-2024, 17:57 : Terror aktından sonra bu şəxslərə nəzarət gücləndirildi
Dünya / Xəbərlər
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 25-03-2024, 17:47 : Zamiq Hüseynov: “Kiminsə sözü məni narahat etmir”
Şou-Biznes / Xəbərlər