BolgeXeber.Com » Gündəm » Moskvada öldürülən azərbaycanlının qatilləri tutuldu

Moskvada öldürülən azərbaycanlının qatilləri tutuldu

29-07-2012, 16:25

Oxunub: 4 254

Moskvada qətlə yetirilən Rusiya İslam Mədəniyyəti Mərkəzinin beynəlxalq şöbəsinin 33 yaşlı rəhbəri Mətin Mehdiyevin ölümündə şübhəli bilinənlər saxlanılıb.

Bolgexeber.com-un Rusiya mətbuatına istinadən verdiyi məlumata görə, polis aprelin 9-dan 10-na keçən gecə Moskvada çörək almaq üçün evindən çıxan azərbaycanlı M.Mehdiyevi yaşadığı evin qarşısında qəddarlıqla qətlə yetirənlərin məqsədinin qarət olduğunu bildirib.

Anspress-in Rusiya mətbuatına istinadən verdiyi məlumata görə, polis aprelin 9-dan 10-na keçən gecə Moskvada çörək almaq üçün evindən çıxan azərbaycanlı M.Mehdiyevi yaşadığı evin qarşısında qəddarlıqla qətlə yetirənlərin məqsədinin qarət olduğunu bildirib.

Hazırda hadisə ilə bağlı iki gənc saxlanılıb. Aparılan istintaqın ilkin nəticələrinə görə, M.Mehdiyevə 2 qızın da daxil olduğu 4 nəfərlik qrup hücum edib. Hələlik saxlanılanlar haqda heç bir əlavə məlumat verilmir.

Hüquq mühafizə orqanlarından "İnterfax”a bildiriblər ki, 10 aprel tarixində axşam saatlarında Belorussk rayon voğzalında vətəndaşlara hücum edən quldur qrupları qeydə alınıb. Həmin dəstənin M.Mehdiyevə hücum etməsi istisna edilmir. Lakin versiyada qəribəlik var: həmin gecə bıçaqla edilən hücumlar ölümlə nəticələnməyib.

Operativ-istintaq qrupu ehtimal edir ki, Mehdiyev hücum zamanı müqavimət göstərib və ölümcül yaralanıb. Millətçilərin hücum etməsi versiyası isə nəzərdən keçirilmir.

Xatırladaq ki, azərbaycanlı M.Mehdiyev aprelin 9-dan 10-na keçən gecə Moskvada çörək almaq üçün evindən çıxıb və yaşadığı evin qarşısında qəddarlıqla qətlə yetirilib. Cəsədin üzərində boğaz nahiyəsində kəsilmiş-deşilmiş yaralar olub və öldürüldükdən sonra onun üzü eybəcər vəziyyətə salınıb. O, ötən il ailə qurub, 1 qızı qalıb.

Rusiya mətbuatının məlumatına görə, Mətin Mehdiyevin öldürülməsinə bir neçə dəqiqə qalmış şübhəli dörd şəxsdən biri supermarketin təhlükəsizlik kameralarına düşüb. Həmin şəxs qarşısına çıxan şəxslərə söz ataraq sanki diqqət çəkməyə çalışırmış.

Kamera görüntülərində həmin şəxsin sərxoş vəziyyətdə olması da hiss edilirmiş. Şübhəli şəxs supermarketə nə isə almaq üçün deyil Mətin Mehdiyevin ardınca düşərək gəlibmiş. Şahidlərin ifadələrinə görə, qatillər iki oğlan və iki qız olmaqla dörd nəfər olublar.

Polis qətlin azərbaycanlı din xadimi Mətin Mehdiyevin bir neçə min dollar dəyərində olan "Vertu" telefonunu oğurlamaq məqsədilə törədildiyini ehtimal edir. Ancaq qətldən sonra onun üzərində olan telefona toxunulmayıb. Bu versiyanın sifarişli qətlə qarət görüntüsü vermək üçün ortalığa atıldlğı da istisna deyil.

Çox Oxunanlar