BolgeXeber.Com » Gündəm » Şəmkirdə əhalini vahimədə saxlayan şəxslər həbs olundu

Şəmkirdə əhalini vahimədə saxlayan şəxslər həbs olundu

3-08-2012, 16:35

Oxunub: 4 497

Daxili İşlər Nazirliyi müxtəlif şayiələrin yaranmasına səbəb olmuş şəxslər barədə açıqlama verdi

Daxili İşlər Nazirliyi Şəmkir rayonunda əhalini vahiməyə salan şəxslərin həbs olunduğu barədə məlumat yayıb. DİN bildirib ki, cari ilin iyun ayının 28-dən avqust ayının 1-dək olan müddət ərzində Şəmkir rayonunda müxtəlif vaxtlarda rayon ərazisində ayrı-ayrı şəxslərə məxsus evlərə daş ataraq sakinlər arasında müxtəlif şayiələrin yaranmasına səbəb olmuş rayon sakinləri Arzu Rzayev və Samir Mürşüdov polis əməkdaşları tərəfindən saxlanılıblar.

Bir müddət idi ki, Şəmkir rayonunda naməlum şəxslərin gecələr evlərə hücum etməsi barədə xəbərlər yayılmışdı. Xəbərlərdə bildirilirdi ki, bu hücumlar nəticəsində xəsarət alanlar da olub. Nəticədə bütün Qərb bölgəsindəki rayonlarda vahimə-təlaş yaranmışdı. Xüsusən də qadınların gecələr evdə tək qala bilmədikləri vurğulanır. Çünki naməlum şəxslərin daha çox qadınlara hücum etdiyi bildirlir. Vahimə yaradan şəxslərin isə vəhhabilər olduğu söylənilir...

Çox Oxunanlar