BolgeXeber.Com » Gündəm » Paytaxtda videonəzarət sistemləri yaradılacaq yerlər - SİYAHI

Paytaxtda videonəzarət sistemləri yaradılacaq yerlər - SİYAHI

9-07-2010, 14:40

Oxunub: 10 274

Nazirlər Kabineti Azərbaycanda əhalinin sıx toplaşdığı yerlərdə və obyektlərdə videonəzarət sistemləri barədə qərar verdi

Nazirlər Kabineti əhalinin sıx toplaşdığı yerlərdə və obyektlərdə videonəzarət sistemlərinin yaradılması barədə qərar verib. “Bolgexeber”-ın Nazirlər Kabinetinin rəsmi saytına istinadən verdiyi məlumata görə, Nazirlər Kabineti Daxili İşlər Nazirliyi, İqtisadi İnkişaf Nazirliyi, Fövqəladə Hallar Nazirliyi, Milli Təhlükəsizlik Nazirliyi və Xüsusi Dövlət Mühafizə Xidməti ilə razılaşdırılmış təklifi nəzərə alaraq belə bir qərar verib.

Qərarda qeyd olunur ki, əhalinin təhlükəsizliyinin, dövlətin, fiziki və hüquqi şəxslərin qanuni mənafelərinin hüquqazidd əməllərdən qorunması, hüquq qaydasına riayət edilməsi vəziyyətinin fasiləsiz və canlı izlənilməsi, qanunazidd hərəkətlərə, fövqəladə hallara çevik reaksiya verilməsi məqsədi ilə Daxili İşlər Nazirliyinin videonəzarət sistemləri aşağıdakı yerlərdə və obyektlərdə quraşdırılsın:

- parklarda, xiyabanlarda, meydanlarda, küçə və prospektlərdə, yeraltı keçidlərdə;

- stadionlarda və idman arenalarında;

- böyük ticarət və əyləncə mərkəzlərində;

- mehmanxanaların yaxınlığında;

- məscidlərin, kilsələrin, sinaqoqların, ziyarətgahların və digər kütləvi ibadət yerlərinin bilavasitə yaxınlığında;

- nəqliyyat infrastrukturlarında:

- yerli və respublika əhəmiyyətli yollarda və avtomagistrallarda;

- yol ötürücülərində və körpülərdə;

- avtomobil və dəmir yolu vağzallarında, hava və dəniz limanlarında;

- dəmir yolu və metro stansiyalarında, platformalarında;

- avtomobil, habelə sərnişin daşıyan nəqliyyat vasitələrinin park və dayanacaqlarında;

- sərnişin daşımalarında istifadə edilən nəqliyyat vasitələrində;

- Azərbaycan Respublikasının icra, qanunvericilik və məhkəmə hakimiyyəti orqanlarının inzibati binalarının ətrafında;

- həyat təminatlı mühüm və strateji əhəmiyyətli dövlət obyektlərinin yaxınlığında;

- mülkiyyət növündən asılı olmayaraq, bank və kredit təşkilatlarının ətrafında;

- Azərbaycan Respublikasında fəaliyyət göstərən xarici ölkələrin diplomatik nümayəndəliklərinin və konsulluqlarının, beynəlxalq təşkilatların nümayəndəliklərinin binalarının ətrafında;

- təhsil müəssisələrinin yaxınlığında;

- bütün taksofon aparatlarının bilavasitə yaxınlığında.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]