Bizimlə əlaqə | Reklam
BolgeXeber.Com » Gündəm » 10 yaşlı qız özünü asdı

10 yaşlı qız özünü asdı

15-08-2012, 11:20
Oxunub: 4 926 Ukrayna Krım vilayətinin Feodosiya şəhərində 10 yaşlı qızın ölümü ilə nəticələnən bədbəxt hadisə baş verib.

Ukrayna informasiya agentlikləri xəbər verir ki, avqustun 13-də axşam Krım tatar xalqı məclisinin başçısı Mustafa Cəmilovun özünü asmış nəvəsinin meyiti tapılıb. Faciə Feodosiya yaxınlığındakı Şebetovka kəndində baş verib.

Qeyd edək ki, həlak olmuş Canike Amet qızı Əbdülcəlilova Mustafa Cəmilovun böyük qızı Elzaranın övladı idi. Valideynləri Canikeni anbarda asılmış vəziyyətdə tapıblar. Onlar dərhal xilasetmə xidmətlərinə hadisə barədə məlumat veriblər. “Təcili yardım” gələnədək onlar özləri uşağı xilas etməyə çalışdalar da, hadisə yerinə gələn həkimlər 10 yaşlı qızın öldüyünü bildiriblər.

Məclisin mətbuat katibi Liliya Müslümovanın sözlərinə görə, bu, bədbəxt hadisədir: “Uşaq valideynlərini qorxutmaq istəyib. Onlar dənizə gedib, suyun temperaturu aşağı olduğundan qızcığazı özləri ilə aparmayıblar. Anası ona evdə oturub kitab oxumasını tapşırıb. Görünür, qız valideynlərini qorxutmaq istəyib və bu, faciəyə səbəb olub”.

Hadisə yerinə dərhal əməliyyat qrupu göndərilib. İstintaq aparılır, hadisənin səbəbləri dəqiqləşdirilir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]