Bizimlə əlaqə | Reklam
BolgeXeber.Com » Gündəm » Erməni hərbçisini döyən zabitimiz həbs edildi

Erməni hərbçisini döyən zabitimiz həbs edildi

12-10-2012, 14:00
Oxunub: 4 899 Cəlilabad rayon sakini, 23 yaşlı Mirzəyev Rəşid Rafiq oğlu Ukraynanın Odessa şəhərində həbs olunub.

Buna səbəb onun təhsil aldığı hərbi dənizçilik məktəbində Ermənistan vətandaşı K.Q. Kadeçyanla aralarında yaranmış münaqişə və erməni zabiti ilə dalaşması olub.

Bolgexeber.com xəbər verir ki, Teleqraf.com-a daxil olan məlumata görə, Ermənistan vətəndaşı 35 yaşlı Kadeçyanın dövlətçiliyimiz, şəhidlərimiz və Ramil Səfərov haqqında nalayiq ifadələr işlətməsi münaqişənin baş verməsinə səbəb olub. Təhqirlərə dözməyən Rəşid ilə erməni zabiti arasında əlbəyaxa dava olub. Nəticədə xəstəxanaya yerləşdirilən Kadeçyanın xəsarətləri yüngül olsa belə, o, polisə ərizə ilə müraciət edib.

Rəşidin yaxınlarının verdiyi məlumata görə, hər gün polis idarəsinə baş çəkən bir qurup erməni onun həbs olunmasını qətiyyətlə tələb edir. Artıq yaxın günlərdə faktla bağlı məhkəmənin təyin olunacağı və Azərbaycan vətəndaşına hökm oxunacağı gözlənir.

Ailəsindən aldığımız məlumata görə, artıq zabitimizin atası Rafiq Mirzəyev olayla bağlı Odessaya yola düşüb.

Qeyd edək ki, Kadeçyan Ukrayna vətandaşı ilə də ailə qurub. Onun durumu normal olsa da, komada olması ilə bağlı şişirdilmiş yalan məlumatlar yayırlar.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]