BolgeXeber.Com » Gündəm » İCRA BAŞÇISI OĞLUNA 300 MİNLİK MAŞIN ALIB

İCRA BAŞÇISI OĞLUNA 300 MİNLİK MAŞIN ALIB

17-01-2011, 12:55

Oxunub: 8 844

Oğlu hələ məktəblidir

Məmurların öz ərköyün övladlarını bahalı hədiyyələrlə əzizləməsi təzə məsələ deyil. Prokuror, polis rəisi, məhkəmə hakimləri, nazirliklərin yüksək rütbəli məmurları bu məsələdə sanki yarışa girib. Mətbuat da əlinə çatan belə faktları dəfələrlə işıqlandırıb.

Bu günlərdə Xətai Rayon İcra Hakimiyyətinin başçısı Razim Məmmədov da bu “yarış”a qoşulub. Əlimizə çatan bilgilərə görə, R.Məmmədov bu yaxınlarda oğluna 300 min dollara təzə avtomobil alıb. Bu dəbdəbəli maşın Almaniyadan məmur övladı üçün xüsusi olaraq sifariş edilib. “Porsche Panamera” markalı bu avtomobil Bakıya ötən ilin sonlarında gətirilib. Avropa bazarlarında 2009-cu ildən satışa çıxarılan bu avtomobillər elə də ucuz və tez tapılan mal deyil. 2010-cu ilin sentyabrına olan məlumata görə, indiyədək bütün dünyada cəmi 25 min belə maşın var. “Xetçbek” sinfinə aid olan bu maşınların minimal qiyməti 180 min avrodur. Eksklüziv variantları isə daha bahadır - qiymətlər 270-400 min avro arasında dəyişir.

Hər biri bir oliqarxa, krala dönən məmurlarımızın bu cür bahalı əyləncəni, ağlasığmaz dəbdəbəni özlərinə rəva görməsi, yuxarıda da dediyimiz kimi, yenilik və gözlənilməz deyil. Burada ən maraqlı məqam odur ki, R.Məmmədovun “Porsche Panamera” arzusuna qovuşmuş oğlu hələ məktəblidir. Onun cəmi 16 yaşı var. Nə deyirik, salamat sürsün...

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]