Bizimlə əlaqə | Reklam
BolgeXeber.Com » Gündəm » Bu gün Masallıda yeni ATS quraşdırılıb

Bu gün Masallıda yeni ATS quraşdırılıb

9-02-2011, 17:25
Oxunub: 8 252
Günün sonuna kimi 2 min abonentlə rabitə əlaqəsi bərpa olunacaq

Azərbaycanın Masallı rayonunda yeni ATS quraşdırılıb. Bolgexeber-in müxbirinin məlumatına görə, günün sonuna qədər 6 min abonentdən 2 min abonentlə rabitə əlaqəsi bərpa ediləcək.

Hazırda rayonda Telekommunikasiya Qovşağının binasında baş verən çökmədən sonra rabitə xidmətlərində yaranan problemlərin aradan qaldırılmasi istiqamətində iş aparılır. Bərpa işlərinə "Aztelekom" İstehsalat Birliyi və Rabitə və İnformasiya Texnologiyaları Nazirliyinin aparıcı mütəxəssisləri nəzarət edir. Eləcə də, cənub bölgəsinin bütün rayonlarından rabitəçilər köməyə gəlib.

Dağıntının baş verdiyi ərazidə təmizləmə işləri əllə aparılır ki, bütün detalları araşdırmaq mümkün olsun. Rəsmilər hələlik hadisənin baş verməsi ilə bağlı dəqiq versiya bildirmirlər.

Xəsarət alanlara gəlincə isə, onlardan 3-nün vəziyyəti normallaşdığından artıq evə buraxılıblar. Yalnız bir nəfər, 54 yaşlı İbadət Abusət oğlu Quliyevin vəziyyəti otra ağır olduğundan xəstəxanada qalıb.

Xatırladaq ki, fevralın 7-də saat 14:40 radələrində Masallı Rayon Telekommunikasiya Qovşağının binasında güclü partlayış baş verib. Partlayışın təsirindən dördmərtəbəli binanın bir hissəsi tamamilə dağılıb. Nəticədə iki nəfər ölüb, 5 nəfər yaralanıb.

Qeyd edək ki, bina 1988-ci ildə inşa edilib. Hadisənin qaz sızmasından baş verdiyi ehtimalı təkzib edilib. Çünki binada ümümiyyətlə qaz sistemi olmayıb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]