Bizimlə əlaqə | Reklam
BolgeXeber.Com » Gündəm » Ağsu şəhər bələdiyyəsində özbaşınalıq

Ağsu şəhər bələdiyyəsində özbaşınalıq

19-12-2012, 08:40
Oxunub: 4 984 Aqil Niftiyev rayonun mərkəzində satmadığı torpaq sahəsi qoymayıb

Ağsu şəhər bələdiyyəsinin sədri Aqil Niftiyevdən şikayətçi düşənlərin sayı durmadan artır. Rayon sakinləri mərkəzdəki torpaq sahələrinin tükəndiyini və bunların hamısının satıldığını deyirlər.
Bolgexeber.com-a verilən məlumata görə, bələdiyyə sədri uzun illərdir eyni vəzifəni tuturvə hər dəfəsində də adamları vasitəsi ilə sədr seçilmək imkanı qazanır. Və hər dəfəsində də rayonun mərkəzindəki torpaq sahələrini satmaqla gəlir götürməyə çalışır. Elə bu səbəbdəndir ki, hal hazırda Ağsu rayonunun mərkəzində torpaq sahəsi tapmaq çətin məsələyə çevrilib.
Belə ki, Aqil Niftiyev yerindən asılı olaraq torpaq sahələrini müxtəlif qiymətə ayrı-ayrı adamlara satıb. Ona görə də, rayonun mərkəzində yaşayan insanlar özlərinə ev tikmək üçün torpaq sahəsi almaq istədikdə tapa bilmirlər.
Bundan başqa, Aqil Niftiyevin özünə geniş imkanlar yaratdığı da verilən məlumatlar sırasında var. Belə ki, onun rayonun mərkəzində bir neçə marketi, kəndlərdən birində fermer təsərrüfatı və heyvandarlıq komplekslərinin olduğu deyilir. Həmçinin bu şəxs bəzi işləri həyata keçirmək üçün vasitəçilik missiyasını da reallaşdırır. Məsələn vətəndaşlarla dövlət qurumları arasında yaranmış anlaşılmazlıqları aradan qaldırmaq üçün «maklerlik» edən Niftiyev bunun müqabilində pul qazanır.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]