BolgeXeber.Com » Gündəm » Kürdəmirdə də söküntü başladı

Kürdəmirdə də söküntü başladı

20-12-2012, 03:10

Oxunub: 5 500

İcra başçısı İrşad Əliyev rayon sakinlərinin qazanc yerlərini ələ keçirməyə başlayıb

Keçmiş kənd təsərrüfatı naziri, hal hazırda Kürdəmir rayonunun icra başçısı vəzifəsində çalışan İrşad Əliyev sakinlərə qənim kəsilib. Bu barədə Bolgexerber.com-a rayondan məlumat verilib.
Məlumatda deyilir ki, icra başçısı rayonun mərkəzindəki kiçik dükanların hamısının sökülməsi barədə göstəriş verib. Onların bəzilərinin yerində isə öz qohumları üçün ticarət mərkəzləri inşa etdirməyi planlaşdırır. Digər boş qalmış yerləri isə indidən satışa çıxarıb.
Bildirilir ki, İrşad Əliyev sökülən dükanların yerini ilk olaraq elə əvvəlki sahiblərinə təklif edir. Amma bir şərtlə ki, orada yenidən dükan inşa olunmasın. Başqa istənilən tikili üçün isə əlavə haqq tələb olunur. Kürdəmirlilər deyir ki, icra başçısının bu hərəkəti onların ümid bağladığı son qazanc yerlərinin əllərindən çıxması deməkdir. Bu barədə rəsmi qurumlara dəfələrlə müraciət etmələrinə baxmayaraq, heç bir cavab verilmir. Ona görə də, səslərini ucaltmaq və sözlərini demək üçün Bakıya gəlib, Prezident Admnistrasiyasının qarşısında haqlarını tələb eləmək fikrindədirlər.
Qeyd edək ki, Kürdəmirin keçmiş icra başçısı Fəxrəddin Məlikov da bir zamanlar İrşad Əliyev kimi addımlar atırdı. Lakin sonradan onun taleyinin necə olduğu göz qabağındadır. Görünür, İrşad Əliyev də eyni aqibəti yaşamaq üçün çalışır.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]