“Randevu” çay evi, yoxsa qumarxana?
26-12-2012, 10:00
Oxunub: 4 166
Obyektin sahibi onları himayə edənin polis rəisi olduğunu iddia edir, oğlanlara isə tələ qurulması davam edir
Bakıda şəhərin mərkəzində, daha doğrusu, Dilarə Əliyeva küçəsi 11-də yerləşən «Randevu Çay Evi»nin adı ilə fəaliyyəti arasında tərs mütənasiblik var. Bolgexeber.com TİA.AZ-a istinadən verdiyi məlumata görə, bu iaşə obyekti qumarxana kimi fəaliyyət göstərir.
Sosial şəbəkələrdə bununla bağlı yayılmış məlumatlarda deyilir ki, «Randevu»da əxlaqsız qızlar tərəfindən cavanların tora salındığı iddiaları da yer alıb. Bu barədə verilən məlumatda deyilir ki, çay evinə daxil olarkən 15-ə yaxın qızın səni qarşılamaq üçün pişvazına çıxdığını müşahidə edə bilərsən. Obyektin sahibi isə əslən Naxçıvandan olan biridir və o, bu yolla çörək qazanmağın qəbahət olmadığını deyir. Eyni zamanda, «çay evi» kimi təqdim olunan, əslində isə eyş-işrət üçün nəzərdə tutulmuş bu obyektdə istənilən səviyyədə eyş-işrət qurmaq mümkündür.
TİA.AZ-ın əməkdaşları qeyd olunan yerdə olaraq, bəzi müşahidələr də aparıb. Qapının ağzında dayanmış idmançılar (onlar mühafizə işləri ilə məşğul olur) ilk qarşılaşdığın adamlardır. Hərçənd çay evinin mühafizəyə nə kimi ehtiyacı olduğu bizim üçün də müəmmalıdır. Yerin sahibi isə deyir ki, burada baş verənlərdən rayonun polis rəisinin də xəbəri var. Hətta onlara kimsə, «gözün üstə qaşın var» deyən də ola bilməz.
Oğlanların tələyə salınmasına gəldikdə isə burada da maraqlı bir oyun qurulub. Belə ki, çay içmək üçün «Randevu»ya gəlmiş oğlan orada əyləşdikdən sonra ona yaxınlaşan qızlardan birini masasına dəvət edərsə, yandı. Çünki həmin qız əyləşən kimi korfe sifariş verir. Axırda hesab gəldikdə isə 150 manat ödəmək məcburiyyəti yaranır. Bu pulu verə bilmədikdə işə idmançılar qarışır və oğlanı məcbur edirlər ki, hesabı ödəsin.
Gecələr isə «Randevu» qumarxanaya çevrilir. İmkanı olanlar bu məkana gələrək, şanslarını sınayırlar.
P.S. Qeyd edək ki, bu cür obyektlərin sahibləri özlərini sığortalamaq üçün ya polis rəislərinin adını çəkir, ya da hansısa himayədarların adından istifadə edir. Amma biz əminik ki, DİN başçısı, cənab Ramil Usubov məsələdən xəbərdar olarsa, bu məsələ araşdırılaraq, tədbir görülər.
Çox Oxunanlar
- 23-03-2024, 17:43 : Putin Rusiyada matəm elan etdi
Dünya / Xəbərlər
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 25-03-2024, 17:57 : Terror aktından sonra bu şəxslərə nəzarət gücləndirildi
Dünya / Xəbərlər
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 23-03-2024, 15:23 : Bu ərazilərdə yaşayanların NƏZƏRİNƏ
Sosial / Xəbərlər
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər