Ədalət Əsgərov məktəbləri bazara döndərib
16-01-2013, 04:10
Oxunub: 4 659
Malik Həsənov: «Təhsil şöbəsinin müdiri dərs bölgüsünə görə müəllimlərdən pul tələb edir»
Cəlilabad rayonunun Astanlı kənd orta məktəbində özbaşınalıqlar baş verir. Bu barədə Bolgexeber.com-a sözügedən kənd məktəbinin tarix müəllimi Malik Həsənov məlumat verib. O bildirib ki, bu ilin 7 yanvarından etibarən tədris başlayıb. Lakin Astanlı kənd orta məktəbində isə heç bir təhsildən sözbət getmir.
Malik Həsənov yazır ki, məktəb sanki işsiz sakinlərin yığıncaq yerinə dönüb. «Dərs bölgüsü aparılmayıb və kimin hansi dərsi tədris edəcəyi müəyyən edilməyib. Bununla bağlı olaraq da dərs cədvəli hələ hazırlanmayıb və müəllimlərə təqdim olunmayıb. Habelə tədris materialları və jurnallar yazılmayıb».
Tarix müəllimi vurğulayır ki, belə bir vəziyyətin yaranmasının səbəbkarı Cəliladab rayon təhsil şöbəsinin müdiri Ədalət Əsgərovdur. Onun iddiasına görə, Əsgərov dərs bölgüsünə görə pul tələb edir. «Onun istədiyi məbləğ toplanmadığı üçün məktəbin taleyi qeyri-müəyyən vəziyyətdə qalır. Ədalət Əsgərovun özbaşınalığı o həddə çatıb ki, məktəbimizdə Hərbi Hazırlıq fənninin tədrisi Meyvə-Tərəvəz Texnikomunu bitirmiş, sıravi əsgər Əliyev Etibar Aqayar oğluna həvalə edilib. Hansı ki, mən özüm BDU-nun Tarix fakültəsini bitirmişəm, ehtiyatda olan zabitəm və vaxtilə 10 ildən yuxarı bu vəzifədə işləmişəm. Sonra Ədalət Əsgərovun əliylə bu vəzifə məndən alınaraq Etibar Əliyevə verilib. Dəfələrlə bu vəzifənin mənə geri qaytarılması üçün müraciət etsəm də faydası olmayıb».
Malik Həsənov bildirir ki, qanunvericiliyə əsasən bu dərsi ali təhsilli müəllim tədris etməli və Etibar Əliyev hərbi rəhbər vəzifəsindən dərhal uzaqlaşdırılmalıdır. «Bu tələblə dəfələrlə müraciət etsəm də Ədalət Əsgərov cavabinda mənə deyir ki, Etibar Əliyevin əmisi qizi Talehə MTN-də işləyir və Etibarı o tapşırıb. Ona görə mən ona heç nə edə bilmərəm. Güman ki, bu bəhanədir. Çünki Ədalət Əsgərovun belə saxtakarlıqları çox olub».
Astanlı kənd müəllimi daha sonra bildirir ki, Ədalət Əsgərovun saxtakarlığı bununla bitmir. «Ötən ilin sonlarında Ədalət Əsgərov hər məktəbdən 3000-4000-5000 manat pul tələb etməsi ilə gündəmə gəlmişdi. Bu və digər məsələlər o qədər çoxdur ki, yazmaqla bitmir».
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 4-04-2024, 18:59 : Əli Əsədov Konqo prezidenti ilə görüşdü
Siyasət / Xəbərlər
- 13-04-2024, 15:52 : “WhatsApp” işlədənlərin NƏZƏRİNƏ - Bunu etmək mümkün olacaq
Xəbərlər / Ölkə