Bizimlə əlaqə | Reklam
BolgeXeber.Com » Gündəm » İcra başçisi bağirdi “jek” rəisinin ürəyi getdi

İcra başçisi bağirdi “jek” rəisinin ürəyi getdi

4-03-2011, 23:55
Oxunub: 10 297
Eldar Əzizovun iclasında qalmaqal baş verib

Sumqayıt Şəhər İcra Hakimiyyətinin yeni başçısı Eldar Əzizov bu postda fəaliyyətə çox sərt başlayıb. Hələ təyinatının ilk günü 43 sərəncam imzalayan E.Əzizov dünən geniş iclas keçirib. Yeni icra başçısı şəhərin bütün vəzifəlilərini topladığı iclasda onları bərk danlayıb. İclasdakı çıxışında getdikcə qəzəblənən E.Əzizov məmurları hədələyib, işini yarıtmayanların sərt cəzalandırılacağını, hətta həbsxanaya göndəriləcəyini deyib. E.Əzizov bir çox vəzifə sahiblərinin üstünə qışqıraraq onları şəhəri bərbad vəziyyətə salmaqda suçlayıb. İcra başçısı daha çox “JEK” rəislərini hədələyib. Vəziyyət bir qədər də gərginləşib və “JEK” rəislərindən birinin ürəyi gedib. Bundan sonra icra hakimiyyətinin binasına Təcili Tibbi Yardım stansiyasının həkim briqadası çağırılıb. Həkimlərin ilkin tibbi yardımından sonra ürəyi gedən “JEK” rəisi özünə gəlib. E.Əzizov isə iclası davam etdirərək məmurlara ağıllarını başlarına yığmağı tapşırıb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]