BolgeXeber.Com » Gündəm » Şəhidlər Xiyabanında "yaşıl soyqırım"

Şəhidlər Xiyabanında "yaşıl soyqırım"

7-02-2013, 10:45
Oxunub: 4 145 Bakıda Şəhidlər Xiyabanında ağaclar kəsilib. ANS PRESS-in məlumatına görə, xiyabanda təxminən 10-a yaxın ağac kəsilib. Məsələ ilə əlaqədar Şəhidlər Xiyabanının müdiri Aydın Hüseynovla əlaqə saxladıq. Aydın Hüseynov ANS PRESS-ə bildirdi ki, ağacları Dövlət Yaşıllaşdırma İdarəsi kəsir. Səbəbi də ərazidə ağacların qəbir daşlarını dağıtmasıdır. Onun sözlərinə görə, kəsilmiş ağacların əvəzinə yeniləri əkiləcək.
Dövlət Yaşıllaşdırma İdarəsindən isə bildirdilər ki, yaşlı ağaclar Sovet dövründə əkilib. Onların kökləri yerin altından çıxaraq şəhidlərin qəbirlərinin daşlarını dağıdırmış.
Bundan əlavə, ağaclar eybəcər şəkildə, sırasız əkilibmiş. İndi həmin ağacların əvəzinə kökləri saçaq kimi olan şam ağacları əkiləcək.