Bizimlə əlaqə | Reklam
BolgeXeber.Com » Gündəm » Bir ailədən 3 nəfər öldü, təcili yardım qəza yerində vuruldu

Bir ailədən 3 nəfər öldü, təcili yardım qəza yerində vuruldu

18-02-2013, 12:45
Oxunub: 5 146 Hadisə fevralın 17-si səhər saat 7:00 radələrində yolun 260-cı kilometrliyində, Ucarın Qazıqumlaq kəndi ərazisindən keçən hissəsində qeydə alınıb.


Göygöl rayon sakini, 1991-ci il təvəllüdlü Məmmədov Elşən Həsənxan oğlunun idarə etdiyi 99 DS 680 dövlət nömrə nişanlı, “Nissan Tida” markalı minik maşını qarşı tərəfdən gələn 90 RZ 871 dövlət nömrə nişanlı, “Shackman” markalı yük maşını ilə toqquşub.

Hadisə nəticəsində “Nissan Tida” maşının sürücüsü E. Məmmədov, atası Məmmədov Həsənxan Paşa oğlu, anası Məmmədova Ağgül Cahangir qızı və digər sərnişin Xəyal Verdiyev hadisə yerində dünyasını dəyişib.

Hadisədən 30 dəqiqə sonra isə Ucar rayon Qazıqumlaq kənd sakini Abdullayev Elman Hümmət oğlu idarə etdiyi VAZ 2106 markalı avtomobillə qəza baş verən yerdən keçərkən avtomobili hadisə yerində iş aparan təcili yardım maşınına vurub. Nəticədə E. Abdullayev xəsarət alıb. O, Ucar Mərkəzi Rayon Xəstəxanasına yerləşdirilib.

Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən cinayət işi açılıb, araşdırma aparılır.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]