Bizimlə əlaqə | Reklam
BolgeXeber.Com » Gündəm » Saxta sənədlərlə bankdan külli miqdarda kredit mənimsənilmişdir

Saxta sənədlərlə bankdan külli miqdarda kredit mənimsənilmişdir

25-02-2013, 15:25
Oxunub: 6 361 Baş prokurorluğdan Bolgexeber.com-a daxil olan məlumata görə
“Azərbaycan Sənaye Bankı” ASC-nin Gəncə filialında fəaliyyət göstərən qiymətləndirici-zərgərin qanun pozuntularına yol verməsi barədə müraciət Baş prokuror yanında Korrupsiyaya Qarşı Mübarizə idarəsində araşdırılmışdır.

Müəyyən edilmişdir ki, cəmiyyətlə bağladığı “Xidmətlərin göstərilməsi haqqında” müqaviləyə əsasən banka girov qoyulan zərgərlik məmulatlarının və qiymətli metalların qiymətləndirilməsini həyata keçirməyə, metalın əyarını, çəkisini, xassəsini doğru və dəqiq təyin etməyə cavabdeh şəxs olan Əliyev İlqar Məzahir oğlu cəmiyyətin külli miqdarda əmlakını ələ keçirmək məqsədilə qeyriləri ilə qabaqcadan əlbir olub kredit götürmək üçün bankın Gəncə filialına müraciət etmiş 54 müştəri tərəfindən girov qoyulmasından ötrü təqdim edilmiş dəmir parçalarının qızıl-zinət əşyası və ya yüksək dəyərə malik olması barədə saxta rəylər verərək 216.0 min manat məbləğində kreditin götürülməsinə nail olmaqla dələduzluq etmişdir.

Faktla bağlı Cinayət Məcəlləsinin 178.3.2-ci (dələduzluq ) maddəsi ilə cinayət işi başlanmışdır.

İ.Əliyev cinayət işi üzrə təqsirləndirilən şəxs qismində cəlb edilərək ona həmin maddə ilə ittiham elan olunmaqla barəsində məhkəmənin qərarı ilə həbs qətimkan tədbiri seçilmişdir.

Hazırda cinayətin digər iştirakçılarının müəyyənləşdirilməsi istiqamətində zəruri istintaq tədbirləri davam etdirilir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]