BolgeXeber.Com » Gündəm » Sabirabadda vərəm xəstəsi olan gənci əsgər aparıblar

Sabirabadda vərəm xəstəsi olan gənci əsgər aparıblar

1-04-2013, 12:45

Oxunub: 4 494

Səfərbərlik və Hərbi Xidmətə Çağırış Dövlət Xidmətinin həkimi Rasim uzun illər müalicə alan rayon sakininə acımayıb, Mirnağı Həsənov ağır vəziyyətdə qospitala aparılıb

Azərbaycan Ordusunda baş verən olaylar son dövrlər əndazədən çıxmağa başlayıb. Davamlı olaraq ölüm hallarına, indi də xəstəliyi olan gənclərin ağır vəziyyətdə qospitallara daşınması da əlavə olunmaqdadır.
Bolgexeber.com-a daxil olan məlumata görə, bu gün Sabirabad rayon Hərbi Komissarlığından əsgərliyə çağırılmış Mirnağı Həsənov ağır vəziyyətdə Bakıdakı Hərbi Qospitala çatdırılıb. Onun yaxınlarının verdiyi məlumata görə, əsgər Həsənovun ağır duruma düşməsinə səbəb onun kəskin vərəm xəstəsi olması və ağ ciyərində 17 iri ləkənin mövcudluğu olub.
Əsgərin qohumları onu da bildirib ki, Mirnağı Həsənov hələ xeyli müddət imiş vərəm xəstəliyindən əziyyət çəkirmiş. Hətta onun hərbi xidmətə qədər dönəmdə bir neçə dəfə vərəmdən müalicə aldığı da verilən məlumatlar sırasında var. Hazırda əsgərin durumunun heç də yaxşı olmadığı bildirilir.
Bu əsnada o da məlum olub ki, Mirnağı Həsənovun vərəm olması ilə bağlı Səfərbərlik və Hərbi Xidmətə Çağırış Dövlət Xidmətinin Həkim Komissiyasının üzvü Rasim həkimə də məlumat verilib. Lakin o, heç nəyə məhəl qoymadan gənci hərbi xidmətə yararlı hesab edib. Əsgərin valideynləri bildirir ki, məhz Rasim həkimin səhlənkarlığı üzündən Mirnağı hərbi xidmətə aparılıb və orada vərəmin ağır formasına tutulub.
Mövzu ilə bağlı araşdırmamız davam edir.

Çox Oxunanlar