Bizimlə əlaqə | Reklam
BolgeXeber.Com » Gündəm » Azərbaycanda süni qiymət qaldıranlar cəzalanacaq ?

Azərbaycanda süni qiymət qaldıranlar cəzalanacaq ?

11-04-2013, 12:15
Oxunub: 4 800 Cinayət Məcəlləsinin 199-cu maddəsinə dəyişiklik oluna bilər

Azərbaycanda bazarlarda süni surətdə qiyməti qaldıranlarla və inhisarçılığa yol verənlərlə bağlı cəzaların ciddi sərtləşdirilməsi gözlənilir.

Milli Məclisdən verilən məlumata görə, bununla bağlı Cinayət Məcəlləsinin 199-cu maddəsinə dəyişikliklər müzakirəyə çıxarıla bilər.

Layihəyə əsasən, inhisarcasına yüksək və ya inhisarcasına aşağı qiymət təyin etməklə, habelə bazarı bölüşdürməklə, bazara daxil olma imkanını məhdudlaşdırmaqla, oradan iqtisadi fəaliyyətin digər subyektlərini kənarlaşdırmaqla, vahid qiymət təyin etməklə və ya saxlamaqla inhisarçılıq hərəkətlərini etməyə görə 1000 manatdan 5000 manata qədər cərimə və ya 2 ilə qədər azadlıqdan məhrumetmə gözlənilir. Eyni əməllər qabaqcadan əlbir olan bir qrup şəxs və ya mütəşəkkil dəstə tərəfindən törədildikdə, 6 ilə qədər azadlıqdan məhrum etmə cəzası müəyyənləşəcək. Layihənin bu il Milli Məclisdə müzakirəyə çıxarılması gözlənilir.

Qeyd edək ki, maddənin hazırkı qüvvədə olan variantına görə inhisarcasına yüksək və ya inhisarcasına aşağı qiymət təyin etməklə, habelə bazarı bölüşdürməklə, bazara daxil olma imkanını məhdudlaşdırmaqla, oradan iqtisadi fəaliyyətin digər subyektlərini kənarlaşdırmaqla, vahid qiymət təyin etməklə və ya saxlamaqla inhisarçılıq hərəkətlərini etməyə görə 100 manatdan 500 manata qədər cərimə və ya 1 ilədək müddətə islah işləri ilə cəzalandırılır. Eyni əməllər qabaqcadan əlbir olan bir qrup şəxs və ya mütəşəkkil dəstə tərəfindən törədildikdə isə 2 ilədək müddətə azadlıqdan məhrum etmə cəzası təyin olunur.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]