BolgeXeber.Com » Gündəm » Rasim Balayev Turizm və Mədəniyyət naziri ola bilər

Rasim Balayev Turizm və Mədəniyyət naziri ola bilər

22-04-2013, 18:15

Oxunub: 4 368

Azərbaycan hakimiyyəti əhalinin narazılığının qarşısını almaq üçün həyata keçirdiyi «kadr islahatı» ilə bağlı daha bir maraqlı məlumat yayılıb. Hökumətin atmaq istədiyi addımlar sırasında Turizm və Mədəniyyət Nazirliyinin rəhbərinin dəyişdirilməsi məsələsi də var.
Məlumatda iddia olunur ki, yaxın vaxğlarda Əbülfəz Qarayev başqa bir işə keçiriləcək. Onu əvəz edənlər sırasında isə ən optimal namizəd kimi tanınmış kinoaktyor Rasim Balayevin adı çəkilir. İddialara görə, Balayevin namizədliyini irəli sürənlər bu addım atılacağı təqdirdə cəmiyyətin narazılığının qismən aradan qalxa biləcəyi ilə əsaslandırıblar.
Qeyd edək ki, Rasim Balayev bir müddət əvvəl hakimiyyəti sərt tənqid edərək, hazırkı vəziyyətdə mədəniyyət işçilərinin ağır vəziyyətdə yaşadığını demişdi. Bu açıqlamasından sonra onun cəmiyyətdə reytinqinin xeyli artdığı da müşahidə olunmuşdu. Lakin onun sonradan sözünü geri götürməsi və siyasətə qarışmaq iddiasında olmadığını deməsindən sonra durum dəyişmişdi. Amma buna baxmayaraq, onun nazir olacağı təqdirdə bəzi narazılıqların aradan qalxacağına inam var.

Çox Oxunanlar