BolgeXeber.Com » Gündəm » Vilyam Hacıyev namizədlərə açıq şəkildə təzyiqlər edir - İddia

Vilyam Hacıyev namizədlərə açıq şəkildə təzyiqlər edir - İddia

20-01-2020, 20:08

Oxunub: 7 198

Təzyiqə məruz qalan namizədlər bu günlərdə bəyanatla çıxış edəcəklərini bildiriblər...

Prezident İlham Əliyevin parlament seçkiləri ilə bağlı çıxışından və demokratik seçkilərin keçirilməsi tələbi ilə bağlı bəyanatından sonra yüzlərlə insan seçkilərə qatıldı. Mərkəzi Seçki Komissiyası isə insafən imza toplayan əksər namizədləri qeydə aldı. Bu günə qədər də seçki prosesi normal keçir. Amma bu normallıq, Prezidentin tövsiyyələri deyəsən İmişli rayon İcra Hakimiyyətinin başçısı Vilyam Hacıyevə aid deyil.

Belə ki, PİA.az-a daxil olan məlumatda göstərilir ki, Vilyam Hacıyev köhnə zamanlarda olduğu kimi yenə də seçki prossesinə kobud şəkildə müdaxilə etməkdədir. Daxil olan məlumatda dünəndən başlayaraq Vilyam Hacıyevin deputatlığa namizədlərə təzyiqlər etdiyi bildirilir. Əldə etdiyimiz məlumata görə Vilyam Hacıyev deputatlığa namizədlərin yaxınlarını yanına çağıraraq şantaj edir və namizədlikdən imtina etmələrini tələb edir. Bu namizədlər sırasında Tapdıqov Taleh Eyvaz oğlunun adını çəkə bilərik.

Məlumatda qeyd edilir ki, təzyiqə məruz qalan digər namizədlər bu günlərdə bəyanatla çıxış edəcəklər.

Çox maraqlıdır ki, Vilyam Hacıyev deputatlığa namizəd olan və Əli Həsənovun kadrı kimi tanınan Razi Nurullayevi açıq şəkildə dəstəkləyir.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]