BolgeXeber.Com » Gündəm » İcra başçısı aranı qatdı - İsmayıllıda namizədin şəkilləri çırılıb zibilliyə atılır(İDDİA)

İcra başçısı aranı qatdı - İsmayıllıda namizədin şəkilləri çırılıb zibilliyə atılır(İDDİA)

23-01-2020, 15:02
İcra başçısı aranı qatdı - İsmayıllıda namizədin şəkilləri çırılıb zibilliyə atılır(İDDİA)"Dostlar, bildiyiniz kimi mənim 9 fevral 2020-ci ildə Milli Məclisə keçiriləcək seçkilərdə 86 saylı İsmayıllı Seçki Dairəsindən namizədliyim qeydiyyata alınıb. 17 yanvardan etibarən rayonun Xanagah, Topçu, Buynuz, Qurbanəfəndi, Qalacıq, İstisu, Sumağallı, Yeniyol, Qaraqaya, Gəndov, Namazgah, Lahıc, Ərəgit, Əhən, Quşencə Zoğallıq, Gideyli, İvanofka, Uştal kəndlərində özüm və vəkillərim tərəfindən seçicilərlə görüşlərimiz olub".

İxa.az xəbər verir ki, bu sözləri deputatlığa namizəd Yusif Osmanlı sosial şəbəkədəki hesabında yazıb.

O bildirib ki, Seçki Qərargahının üzvləri ilə İsmayıllı rayonunda olan Şəhidlər Xiyabanına ziyarətdən qayıdarkən, təşviqat şəkillərinin cırıldığını görüb: "Yaxınlaşıb özümü təqdim elədim. Soruşdum ki, nə üçün cırırsınız? Sizə bu tapşırıqları kim verib? Cıran şəxs dedi ki, bizə bu tapşırığı İsmayıllı rayon İcra Hakimiyyəti başçısının İsmayıllı şəhər üzrə nümayəndəsi Məhərrəm Əhmədov verib. Dünən iki dəfə Məhərrəm Əhmədova zəng elədim. O bunun başçsnın göstərişi oluğunu bilirdi.

Bu gün də özüm İsmayıllı rayonunun mərkəzi hissəsini gəzib baxdım. Gördüm ki, tək mənim şəkillərim cırılır. Digər namizədlərin şəkilləri yenə də yerlərində qalır. Mənim şəkilimi cıranlara tapşırığı Məhərrəm Əhmədov verdiyini bildik. Özü də telefon danışığımızda bunu etiraf elədi. Bəs Məhərrəm Əhmədova kim tapşırıq verib? Mən bu haqda bu gün Mərkəzi Seçki Komissiyasının qaynar xətrinə (115) şikayət vermişəm. İndidən belə maneçilik olacaqsa və ayrıseçkilik ediləcəksə.... Və ya son 4 gündə 19 kənddə olmağımız kimlərisə narahat edib".