BİZNESİ OLAN İCRA BAŞÇISI TƏKCƏ VƏLİYEV DEYİL... - Daha hansı icra başçılarının biznesləri var? - FOTO
3-03-2020, 10:17
Oxunub: 7 546
Rayon ərazisindəki bir böyük bazar da daxil olmaqla, başçıya aid biznes obyektlərinin siyahısı açıqlanıb.
Lakin sözsüz ki, Neftçala heç də Azərbaycanın ən varlı rayonu hesab edilə bilməz. Yəqin ki, İ.Vəliyevin özü də ən böyük biznesi və ən çox obyektləri olan icra başçısı deyil.
"AzPolitika.info” xəbər verir ki, araşdırmaçı jurnalist Cavanşir Həsənli bir neçə icra başçısına aid rəsmən qeydiyyatdan keçmiş sahibkarlıq subyektlərinə aid məlumatlar paylaşıb.
Həmin məlumatlar vergi orqanının rəsmi saytından götürülüb və təbii ki, əksər icra başçılarının qeyri-rəsmi, yaxud başqa şəxslərin adlarına sənədləşdirilən daha böyük və çoxsaylı biznes obyektləri mövcuddur.
C.Həsənlinin paylaşdığı məlumatlar Şəki, Şabran, Göyçay, Quba və Lənkəranın icra başçılarına aiddir. Həmin paylaşımları təqdim edirik:
Şabranın icra başçısı Asif Hüseynov - Şabranın icra başçısı Asif Həbib oğlu Hüseynov 2000-ci ildə qeydiyyatdan keçmiş "Səbinə-93" kiçik müəssisəsinin təsisçisi və qanuni təmsilçisidir.BİZNESİ OLAN İCRA BAŞÇISI TƏKCƏ VƏLİYEV DEYİL... - Daha hansı icra başçılarının biznesləri var? -
BİZNESİ OLAN İCRA BAŞÇISI TƏKCƏ VƏLİYEV DEYİL... - Daha hansı icra başçılarının biznesləri var? -Şəkinin icra başçısı Elxan Usubov - Vergilər Nazirliyində Şəkinin icra başçısı Elxan Zabir oğlu Usubovun adına iki şirkət qeydiyyatdadır.
"CHEMİCO CO LTD" MƏHDUD MƏSULİYYƏTLİ CƏMİYYƏTİ 1996-cı ilin iyulunda, "A.Q.T.İ.M." MƏHDUD MƏSULİYYƏTLİ CƏMİYYƏTİ isə 2003-cü ilin fevralında qeydiyyatdan keçib.
Hər iki şirkətin təsisçisi və qanuni təmsilçisi Elxan Usubovdur. Şirkətlər Elxan Usubov icra başçısı təyin olunmamışdan qabaq təsis edilib, lakin indiyədək ləğv edilməyib. İcra başçısı əvvəllər bizneslə məşğul olub.
Göyçayın icra başçısı Mehdi Səlimzadə - ”NIRRIN HEALTH & SPA” mərkəzi Qurban Xəlilov küçəsi 2-də yerləşir. Göyçayın icra başçısı Mehdi Səlimzadənin qızı Nəzrin Mehdi qızı Səlimzadəyə məxsusdur.
Nəzrin Səlimzadə 2013-cü ilin iyulunda Vergilər Nazirliyinin Bakı şəhəri Kiçik Sahibkarlıqla İş üzrə Baş İdarəsində qeydiyyata alınmış "NİRRİN" MƏHDUD MƏSULİYYƏTLİ CƏMİYYƏTİnin təsisçisidir. Ötən ilin iyunundan qanuni təmsilçisi Məsmə Xanım Məcidova Abbas qızıdır.
Lənkəranın icra başçısı Taleh Qaraşovun isə oğlunun adına MMC var. 2005-ci ildə qeydiyyata alınan "V.S.S" MMC adlı şirkət Samir Qaraşovun adınadır.
Qubanın icra başçısı Ziyəddin Əliyevin Ukraynada böyük biznesə malik olması haqda isə dəfələrlə yazılıb. "Qubanın icra başçısı Ziyəddin Əliyevdən hələ nə Ukraynadakı o zavodun, nə də ora yatırdığı 7 milyon avronun hesabını soruşan olmayıb...”, - deyə, jurnalist qeyd edib.
Çox Oxunanlar
- 21-06-2025, 17:51 : İran təcili çağırış etdi
Dünya / Xəbərlər - 11-06-2025, 17:31 : Boksçumuz doğum günündə uğur qazandı
İdman / Xəbərlər - 28-06-2025, 18:23 : Azərbaycan Pakistana başsağlığı verdi
Siyasət / Xəbərlər - 9-06-2025, 14:55 : Yasda ehsan verilməsi ləğv olundu
Sosial / Bölgə / Xəbərlər - 9-06-2025, 14:14 : Ən yaxşı futbolçu titulunu o qazandı
İdman / Xəbərlər - 9-06-2025, 10:25 : UEFA Millətlər Liqasının qalibi müəyyənləşib
İdman / Xəbərlər - 11-06-2025, 11:10 : "Qarabağ" 5 pillə gerilədi
İdman / Xəbərlər - 12-06-2025, 12:18 : PSJ yeni formasını təqdim etdi
İdman / Xəbərlər - 14-06-2025, 15:37 : Rayon rəhbəri yekun attestasiya imtahanında yüksək bal toplayan məzunları təltif edib
Bölgə / Xəbərlər - 17-06-2025, 12:17 : İcra başçısı tərəfindən növbəti dəfə vətəndaşların müraciətləri dinlənilib
Bölgə / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
