BolgeXeber.Com » Gündəm » Həbs edilən icra başçısı: “Çox utanıram, vicdan əzabı çəkirəm” (VİDEO)

Həbs edilən icra başçısı: “Çox utanıram, vicdan əzabı çəkirəm” (VİDEO)

1-05-2020, 15:18
"Bu kimi əməllərə görə, əlbəttə ki, peşmançılığımızı çəkirik”.

Bolgexeber.com xəbər verir ki, bunu Dövlət Təhlükəsizliyi Xidmətinin (DTX) aprelin 29-da həyata keçirdiyi əməliyyat-istintaq tədbirləri nəticəsində saxlanılan Biləsuvar Rayon İcra Hakimiyyətinin sabiq başçısı Mahir Quliyev həbs edilərkən deyib.

"Mən şəxsən özüm buraxdığım səhvlərə, bugünkü durumuma görə çox utanıram, vicdan əzabı çəkirəm”, - deyə sabiq icra başçısı vurğulayıb.

Qeyd edək ki, DTX-də aparılan cinayət işi üzrə Mahir Quliyev vəzifə səlahiyyətlərindən sui-istifadə etmə, təkrar rüşvət alma, mənimsəmə faktlarına görə Cinayət Məcəlləsinin müvafiq maddələri ilə məsuliyyətə cəlb edilərək barəsində məhkəmənin qərarı ilə həbs qətimkan tədbiri seçilib.

M.Quliyev Prezident İlham Əliyevin aprelin 30-da imzaladığı sərəncamla tutduğu vəzifədən azad edilib.