Bizimlə əlaqə | Reklam
BolgeXeber.Com » Gündəm » Azərbaycanda sifarişli qətlin üstü açıldı

Azərbaycanda sifarişli qətlin üstü açıldı

27-05-2013, 17:25
Oxunub: 6 489 Bakıda törədilmiş qətl hadisəsi ilə bağlı axtarışa verilmişşəxslər tutulub.Bolgexeber.com –un Daxili İşlər Nazirliyinin saytına istinadən verdiyi məlumata görə, Nəsimi RPİ və Bakı şəhər Prokurorluğu əməkdaşlarının birgə keçirdikləri əməliyyat-axtarış tədbirləri nəticəsində mayın 16-da bıçaq xəsarəti ilə xəstəxanaya gətirilmiş və orada ölmüş Mirəli Həqizadənin ölümünü sifariş verən Bakı şəhər sakini Aydın Rüstəmov və həmin cinayəti icra edən Göygöl rayon sakini, əvvəllər məhkum olunmuş Şahvələd İmanov Göygöl rayonu ərazisində tutulub. Ondan 1 ədəd “TT” markalı tapança, 1 ədəd sandıqça, 1 ədəd patrondaş və 16 ədəd patron götürülüb.

Qeyd edək ki, Ənvər Qasımzadə küçəsi 72 saylı ünvanın qarşısında naməlum şəxs tərəfindən amansızlıqla öldürülən 37 yaşlı Mirəli Həqizadənin qətlində namus izi müəyyən edilib. milli.az saytının yaydığı məlumatda qeyd edilir ki, “Şəms” MMC-nin rəhbəri olan M.Həqizadəni, naməlum şəxs bıçaqla öldürücü zərbəni vurmamışdan əvvəl tanınmaz hala salıb. Onu sifətinə çapıqlar atılmaqla 20-yə yaxın bıçaq zərbəsi vurulub. Müəyyən edilib ki, M.Həqizadə Bakı şəhərində bir neçə qızı zorlayıb. Onun barəsində zorlama maddəsi ilə cinayət işi də olub. Hətta onun zorladığı qızlardan birinin intihar etdiyi də bildirilir. İstintaq hazırda M.Həqizadənin qatilinin cinayəti məhz namus üstündə törədilməsi versiyası üzərində işləyir.

Araşdırmalar davam etdirilir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]