BolgeXeber.Com » Gündəm » Rövnəq Abdullayevin ziyarət alveri

Rövnəq Abdullayevin ziyarət alveri

29-05-2013, 14:05

Oxunub: 5 591

Türkanı parniklərə çevirən ARDNŞ prezidenti qəsəbə sakinlərini ziyarətə göndərməklə ələ alır

Məmur-oliqarxların ölkənin hər yerində özləri üçün gəlir mənbəyləri yaratması artıq adi haldır. Bunu nazirdən tutmuş, adi büdcə işçisinə qədər edənlərin sayının nə qədər olduğunu isə deməyə dəyməz.
Bu sırada ARDNŞ prezidenti Rövnəq Abdullayev də geridə qalmır. Məlumatlara görə, həmin gəlirli sahələrdən biri də Bakının Türkan qəsəbəsində yaradılıb. Mənbənin bildirdiyinə görə, ARDNŞ prezidenti qəsəbədəki sahil ərazisini bütünlüklə zəbt edib. Oradakı əraziləri isə parnik edib.
Bu barədə məlumat verən qəsəbə sakinləri deyirlər ki, bu parniklərdə əsasən xiyar-pomidor və digər bitkilər əkilir. Amma orada işləyənlərin heç bir Türkandan olan deyil. İstisna halda bir-iki nəfəri çıxmaqla, yerdə qalanların hamısının kənardan gətirildiyi bildirilir.
Yerli camaat isə işsizlikdən əziyyət çəkdiyini və bunun üçün də həmin parniklərdə onlara da iş yerləri verilməsini tələb etdikdə isə Rövnəq Abdullayev yaxşı bir variant tapıb. JAM.AZ-a danışan qəsəbə sakinləri qeyd edirlər ki, ARDNŞ prezidenti camaatın narazılığının qarşısını almaq üçün onları qruplar halında Kərbəla və Məşhədə ziyarətə göndərir. Bütün xərcləri üzərinə çəkən şirkət prezidenti bununla türkanlıların ağzını yumur. Mənbə deyir ki, müqəddəs yerləri ziyarət edən qəsəbə sakinləri bundan sonra susmağı daha üstün tuturlar və arqumentləri də budur ki, «onları müqəddəs yerlərə ziyarətə göndəriblər və haqları onların boynundadır».

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]