Nəqliyyat Nazirliyinin “qoçu”larının növbəti özbaşnalığı
4-06-2013, 09:50
Oxunub: 4 163
Nəqliyyat Nazirliyinin “qoçu”ları sürücünün hamının gözü qarşısında döyüblər
Vidadi İsgəndərli: “Bu nəqliyyat naziri Ziya Məmmədovun “qoçu”larının ilk cinayəti deyil”
Səbayel rayonu ərazisində Nəqliyyat Nazirliyinin 4 əməkdaşı taksi sürücüsünü vəhşicəsinə döyüblər. Bu barədə “Demokratiyanın Müdafiəsinə Kömək” İctimai Birliyinin sədri, hüquq müdafiəçisi Vidadi İsgəndərli məlumat verib:“Mənə Cəbrayıl köçkünü Rüstəmov Rövşən Abbas oğlunun yaxınları müraciət ediblər. 1 saat əvvəl(iyunun 3-ü 21:30 radələrində- E.M) Rövşənin idarə etdiyi “Mersedes” markalı, Az 10 OZ 029 nömrə nişanlı maşını saxlayan Nəqliyyat Nazirliyinin Departament işçiləri keçmiş “Lenin” muzeyinin yaxınlığında saxlayıblar. Sürücünü hamının gözü qarşısında döyüblər, qabırğasını sındırıblar. Hazırda Rövşən Rüstəmov Səbayel Rayon Polis İdarəsinin 39-cu polis bölməsindədir. Onun üst-başı cırılıb, paltarları qan içindədir”.
V.İsgəndərli bildirib ki, məlumatı alandan sonra məsələni araşdıran polis bölməsinin təhqiqatçısı ilə danışıb: “Toğrul adlı təhqiqatçı dedi ki, məsələni araşdıracaqlar. Xahiş etdim ki, Rövşənə ekspertizaya təyinat versin. Bu nəqliyyat naziri Ziya Məmmədovun “qoçu”larının ilk cinayəti deyil. Hüquq mühafizə orqanları Nəqliyyat Departamenti işçilərinin törətdiyi yüzlərlə cinayəti araşdırmaqda acizdirlər. Ona görə də onlar cinayət törətməkdən, vətəndaşları küçənin ortasında, hamının gözü qarşısında döyməkdən, şikəst eləməkdən çəkinmirlər. Rövşənin ağzı-burnu qan içindədir. Polisin nəqliyyat nazirinin “qoçu”larının tutulması üçün axtarış verəcəyinə ümid edirəm”.
V.İsgəndərli döyülən sürücünün hüquqlarını müdafiə edəcəyini bildirib.
müsavat.com
Çox Oxunanlar
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 27-04-2024, 18:58 : Bakı metrosunda ölüm baş verib
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 4-04-2024, 18:59 : Əli Əsədov Konqo prezidenti ilə görüşdü
Siyasət / Xəbərlər
- 17-04-2024, 10:13 : Hadı Rəcəblinin dəfn yeri açıqlandı
Gündəm
- 13-04-2024, 15:52 : “WhatsApp” işlədənlərin NƏZƏRİNƏ - Bunu etmək mümkün olacaq
Xəbərlər / Ölkə
- 6-04-2024, 16:28 : Rəsmi Bakıdan İrəvana cavab
Siyasət / Xəbərlər