Bizimlə əlaqə | Reklam
BolgeXeber.Com » Gündəm » LERİK icra hakimiyyətində tender oyunu - "ELNUR-2" KOMMERSİYA ŞİRKƏTİLƏ MÜDHİŞ KOORRUPSİYA

LERİK icra hakimiyyətində tender oyunu - "ELNUR-2" KOMMERSİYA ŞİRKƏTİLƏ MÜDHİŞ KOORRUPSİYA

5-09-2020, 11:01
Oxunub: 9 195 Ölkəmizdə xüsusilə ayrı-ayrı yerli icra hakimiyyəti orqanlarında müşahidə edilən qanun pozuntuları, özbaşınalıq, qohumbazlıq korrupsiya faktları birmənalı olaraq onu deməyə əsas verir ki, əgər bu neqativ və hiddət yaradan məqamlar olmazsa, Azərbaycan əhalisinin maddi-mənəvi rifah vəziyyətinə görə dünyanın ən qabacıl ölkəsi olar. Çox təəssüflər olsun ki, ölkə başçısının etimad göstərdiyi irili-xırdalı məmurlar dövlət büdcəsini öz şəxsi maraqları naminə talamaqla və bununla da milyonlarla insanın, ələxsus uşaqların haqqını qəsb etməklə məşğuldurlar. Sanki belə də olmalıdır.
İxa.az bildirir ki, sözügedən neqativ hallara ortaq olan dövlət qurumlarından da biri Lerik Rayon İcra Hakimiyyətidir.
Belə ki, Lerik Rayon İcra Hakimiyyətinin dünən, yəni 01.09.2020-ci il tarixdə elan etdiyi tender müsabiqəsinin qalibi- nizamnamə kapitalı 1,60 AZN olan və dövlət büdcəsinə bu günə olan vergi borcu 7579 AZN təşkil edən ELNUR-2" UNİVERSAL İSTEHSALAT KOMMERSİYA ŞİRKƏTİ olub.
Tenderin predimeti: Lerik rayon Boykəndil kənd 180 şagird yerlik tam orta məktəb binasının tikintisi işlərinin satın alınmasıdır.
Bu məqsədlə rayon icra hakimiyyəti tərəfindən sözügedən şirkətə 535600.06 AZN vəsait ödənilib.
Qeyd edim ki, bundan əvvəl də Lerik Rayon İcra Hakimiyyəti tərəfindən müxtəlif xidmətlər üzrə elan edilmiş tender müsabiqələrinin 3-də məhz Elnur-2 şirkəti qalib elan edilib.
Sonuncu satınalmanı nəzərə almasaq, 3 tender müsabiqəsinin nəticəsinə əsasən sözügedən "universal" şirkətə 3 milyon 53 min manat vəsait ödənilib.
Korrupsiya -hər bir dövlətin, hər bir millətin həyatında maddi-mənəvi inkişaf prespektivlərini məhv edən, vətəndaşların dövlət orqanlarına olan etimadını sarsıdan böyük və əvəzsiz bir bəladır.
Xatırladaq ki, "Dövlət satınalmaları haqqında" qanunun 6.2.5-ci maddəsinə əsasən vergi borcu olan şirkətlərin dövlət qurumlarının təşkil etdiyi tender müsabiqələrində iştirakı qadağandır. 
İctimai vəkil Samir Zeynalov
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]