BolgeXeber.Com » Gündəm » Bakıda iri ticarət mərkəzləri, “Mallar” açılır? – Operativ Qərargahdan AÇIQLAMA

Bakıda iri ticarət mərkəzləri, “Mallar” açılır? – Operativ Qərargahdan AÇIQLAMA

9-09-2020, 18:49
Oxunub: 2 440 Azərbaycanda pandemiyaya görə bir neçə aydır ki, iri ticarət mərkəzlərinin, “Mallar”ın fəaliyyəti dayandırılb. Qeyd edək ki, son dövrlər karantin rejimində müəyyən yumşalmalara gedilir. Nəticədə bir çox müəssisələrin fəaliyyəti və rayonlara gediş-gəliş bərpa edildi. Gələn həftə də karantin rejimində yumşalmaların olacağı gözlənilir. Belə olan halda Bakıda iri ticarət mərkəzləri, “Mallar” açıla bilərmi?
 
Bununla bağlı konkret.az-ın sualını cavablandıran Nazirlər Kabinetinin mətbuat xidmətinin rəhbəri İbrahim Məmmədov bildirib ki, bu barədə onda heç bir məlumat yoxdur:
 
“Yumşalmalar və ya hər hansı qərarlar olan zaman bu barədə ictimaiyyətə məlumat verilir. Ticarət mərkəzləri və “Mallar” barəsində qərar veriləndə bu barədə məlumat veriləcək”.
 
Operativ Qərargahın növbəti brifinqinin nə zaman keçiriləcəyi sualına İbrahim Məmmədov bu barədə məlumatının olmadığını söyləyib.