BolgeXeber.Com » Gündəm » Saatlı İcra Hakimiyyətinin tenderini qazanan şirkət kimə məxsusdur? – İzlər deputata aparır
Saatlı İcra Hakimiyyətinin tenderini qazanan şirkət kimə məxsusdur? – İzlər deputata aparır
19-09-2020, 16:14
Oxunub: 9 819
Saatlı Rayon İcra Hakimiyyəti “Muğan SB” MMC ilə maliyyə dəyəri 184 994.81 AZN olan müqavilə bağlayıb.
Bolgexeber.com yenisabah.az-a istinadən xəbər verir ki, MMC bu məbləğə Saatlı şəhəri ərazisində park və meydanlarda abadlıq və təmir işlərini həyata keçirməlidir.
İqtisadiyyat Nazirliyi yanında Dövlət Vergi Xidmətinin reyestr məlumatlarına əsasən “Muğan SB” MMC 8 may 2014-cü il tarixdə dövlət qeydiyyatına alınıb. Nizamnamə kapitalı 30 AZN olan şirkətin hüquqi ünvanı Saatlı rayonu Saatlı şəhəri, Babək küçəsi, ev 41-də yerləşir. MMC-nin qanuni təmsilçisi isə Əkbərova Sədaqət Əzizağa qızıdır.
“Muğan SB” MMC-nin qeydiyyatda olduğu ünvanda daha bir şirkət yerləşir. Bu, “Muğan LTD” MMC-dir. Nizamnamə kapitalı olan 50 AZN olan şirkət 18 aprel 2008-ci il tarixdə dövlət qeydiyyatına alınıb. MMC-nin qanuni təmsilçisi isə Əkbərov Bəybala Əfras oğludur.
Apardığımız araşdırmalar zamanı bəlli olub ki, Bəybala Əkbərov “Azəraqrartikiti” ASC-nin Saatlı filialının rəisidir. Sədaqət Əkbərova Bəybala Əkbərovun xanımıdır. Onların eyni ünvanda qeydiyyatda olmaları da bu faktı təsdiqləyir. “Muğan SB” MMC-nin adındakı “S” və “B” hərfləri isə onların adlarını simvolizə edir.
Bəzi məlumatlara görə, əslində hər iki şirkət “Azəraqrartikinti” ASC-nin rəhbəri, deputat Ağalar Vəliyevin biznes imperiyasına daxildir. Bir müddət əvvəl deputatın biznesi barədə tirajlanan araşdırma metarialında qeyd olunurdu ki, “Azəraqrartikinti” ASC-nin bütün filial rəhbərlərinin hamısının özəl şirkətləri var. Dövlət layihələri bu şirkətlər vasitəsilə həyata keçirilir. Eyni zamanda qeyd edilirdi ki, şirkətlərin hamısı əslində Ağalar Vəliyevə məxsusdur. Filial rəhbərləri isə sadəcə oyuncaq şəxslərdir.
Çox Oxunanlar
- 7-06-2025, 17:45 : Türkiyədə güclü meşə yanğını olub
Dünya / Xəbərlər
- 21-06-2025, 17:51 : İran təcili çağırış etdi
Dünya / Xəbərlər
- 4-06-2025, 14:06 : Bərdə rayon İcra Hakimiyyəti başçısının Qaradağlı kəndində səyyar qəbul-görüşü keçirilib
Bölgə / Xəbərlər
- 11-06-2025, 17:31 : Boksçumuz doğum günündə uğur qazandı
İdman / Xəbərlər
- 5-06-2025, 13:32 : Röyanın keçmiş ərindən çağırış- BARIŞDIRIN
Şou-Biznes / Xəbərlər
- 2-06-2025, 09:58 : Prezident İlham Əliyevin 28 May 2025-ci il tarixində Laçın şəhərinə səfəri – Müstəqilliyin və Qələbənin rəmzi
Analitika / Xəbərlər
- 5-06-2025, 12:59 : "Neftçi" yeni transferini edib
İdman / Xəbərlər
- 7-06-2025, 15:38 : Məşhur futbolçu "İnter" də- Rəsmi
İdman / Xəbərlər
- 28-06-2025, 18:23 : Azərbaycan Pakistana başsağlığı verdi
Siyasət / Xəbərlər
- 3-06-2025, 11:27 : Bakı Enerji Həftəsi
Analitika / Xəbərlər