Hicab aksiyasina görə tutulanlarin sayi 12-yə çatib
18-05-2011, 18:30
Oxunub: 7 460
Mayın 6-sı Bakıda, Təhsil Nazirliyinin binası qarşısında keçirilmiş "Hicaba azadlıq" aksiyasına görə tutulmuş Tərlan İsmayılovun evində axtarış aparılıbMayın 6-sı Bakıda, Təhsil Nazirliyinin binası qarşısında keçirilmiş “Hicaba azadlıq” aksiyasına görə tutulmuş Tərlan İsmayılovun evində axtarış aparılıb. Vəkil Dilqəm Ağayevin Bolgexeber.com -a verdiyi məlumata görə, mayın 17-də axtarış aparan hüquq mühafizə orqanlarının əməkdaşları evdən dini kitabları və disklər götürüblər. Vəkil axtarışda iştirak etmədiyini, məlumatı ailədən aldığını deyib.
D.Ağayevin sözlərinə görə, Bakı Şəhər Prokurorluğu, eləcə də Bakı Şəhər Baş Polis İdarəsində yaradılan istintaq qrupu qarşısında vəsatətlə çıxış edəcək: “Əlimizdə olan video görüntülərdən bəlli olur ki, aksiya zamanı Tərlan İsmayılov heç kimə, heç bir polis əməkdaşına qarşı zor işlətməyib. O, hərəkətsizdir. Əksinə, ağ köynəkli, mülki geyimli şəxs ona qarşı zor işlədir. Vəsatətimiz həmin mülki geyimli şəxsin müəyyən edilməsi və cəzalanmasına aiddir. Hər iki vəsatətin məzmunu eynidir”.
Vəkil T.İsmayılovun Bakı İstintaq Təcridxanasında saxlandığını, səhhəti və yeri ilə bağlı şikayətlərinin olmadığını deyib.
“Hicaba azadlıq” aksiyasına görə həbs olunanların sayı, eləcə də onlar barəsində hüquq mühafizə orqanlarının rəsmi məlumat verməməsi məsələsinə gəlincə, vəkil vurğulayıb ki, qaldırılan cinayət işi siyasi xarakter daşıyır: “Ona görə də cavabdeh instansiyalar bu barədə ictimaiyyətə geniş açıqlama vermək istəmirlər. Məndə olan son qeyri-rəsmi məlumata görə, tutularaq barəsində 2 aylıq həbs qərarı çıxarılanların sayı 12-yə çatıb. Təəssüf ki, onların kimliyi barədə məlumata malik deyiləm. Çünki yalnız hüquqlarını müdafiə elədiyim şəxslərin işiylə məşğulam”.
T.İsmayılov Cinayət Məcəlləsinin 221.2.2. (ictimai qaydanın qorunması üzrə vəzifəni yerinə yetirən və ya ictimai qaydanın pozulmasının qarşısını alan hakimiyyət nümayəndəsinə və ya digər şəxsə müqavimət göstərməklə xuliqanlıq) və 221.3. (silahdan və ya silah qismində istifadə edilən əşyaları tətbiq etməklə xuliqanlıq) maddələri ilə ittiham olunur.
Çox Oxunanlar
- 7-06-2025, 17:45 : Türkiyədə güclü meşə yanğını olub
Dünya / Xəbərlər - 21-06-2025, 17:51 : İran təcili çağırış etdi
Dünya / Xəbərlər - 4-06-2025, 14:06 : Bərdə rayon İcra Hakimiyyəti başçısının Qaradağlı kəndində səyyar qəbul-görüşü keçirilib
Bölgə / Xəbərlər - 11-06-2025, 17:31 : Boksçumuz doğum günündə uğur qazandı
İdman / Xəbərlər - 5-06-2025, 13:32 : Röyanın keçmiş ərindən çağırış- BARIŞDIRIN
Şou-Biznes / Xəbərlər - 5-06-2025, 12:59 : "Neftçi" yeni transferini edib
İdman / Xəbərlər - 28-06-2025, 18:23 : Azərbaycan Pakistana başsağlığı verdi
Siyasət / Xəbərlər - 7-06-2025, 15:38 : Məşhur futbolçu "İnter" də- Rəsmi
İdman / Xəbərlər - 3-06-2025, 11:27 : Bakı Enerji Həftəsi
Analitika / Xəbərlər - 9-06-2025, 14:55 : Yasda ehsan verilməsi ləğv olundu
Sosial / Bölgə / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
