BolgeXeber.Com » Gündəm » Müdafiə Nazirliyi: Ordumuzun hərbçisi şəhid olub

Müdafiə Nazirliyi: Ordumuzun hərbçisi şəhid olub

21-05-2011, 11:25

Oxunub: 2 881

Cəbhə xəttində atəşkəs rejiminin pozulması davam edir.

Müdafiə Nazirliyinin mətbuat xidmətindən Bolgexeber.com verilən məlumata görə, Ermənistan Silahlı Qüvvələrinin bölmələri mayın 20-də saat 18.05-dən 18.15-dək Ermənistan Respublikasının Krasnoselsk rayonunun ərazisindəki adsız yüksəkliklərdə yerləşən mövqelərdən Gədəbəy rayonunun ərazisindəki adsız yüksəkliklərdə yerləşən mövqelərimizi; saat 15.45-dən 16.10-dək Goranboy rayonunun Tapqaraqoyunlu kəndi yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.

Düşmən cavab atəşi ilə susdurulub.

Müdafiə Nazirliyi düşmən tərəfinin açdığı atəş nəticəsində ordumuzun əsgərinin şəhid olduğu barədə xəbəri də təsdiq edib. Mətbuat xidmətinin yaydığı məlumatda bildirilir ki, mayın 20-də saat 20.00-da Ağdam rayonunun Şıxlar kəndi yaxınlığındakı düşmən mövqeyindən açılan atəş nəticəsində Azərbaycan Ordusunun kişik çavuşu Məmmədov Rəhman Eldar oğlu şəhid olub.

Çox Oxunanlar