BolgeXeber.Com » Gündəm » ""Yeni Bakı" sakinlərdən su pulu yığır, amma borcunu ödəmir" - AÇIQLAMA

""Yeni Bakı" sakinlərdən su pulu yığır, amma borcunu ödəmir" - AÇIQLAMA

18-11-2021, 18:06
Oxunub: 416 “Yeni Bakı” yaşayış kompleksinin sakinləri onlardan su pulu yığıldığını, yığılan vəsaitin şirkətin “Azərsu”ya olan borcunun bağlanmasına sərf edilmədiyini iddia edirlər.
Yaşayış kompleksinin sakinləri öz problemlərini Yeniavaz.com-a danışıblar.
Onlar iddia edirlər ki, “Yeni Bakı”nın “Azərsu”ya 254 min manat borcu var. Şirkət sakinlərdən su pulu yığır, lakin yığılan məbləği “Azərsu”ya ödəmir. Sakinlərin sözlərinə görə “Yeni Bakı” və “Azərsu” qarşılıqlı şəkildə bir-birlərini məhkəməyə veriblər. Şirkət yaşayış kompleksindəki su sistemini təhvil alması üçün “Azərsu”nu məhkəməyə verib. “Azərsu” da su sisteminin lazım olan standartlarda quraşdırılmadığını əsas gətirərək onu təhvil almır. Və beləcə hər iki tərəf məsələnin aydınlaşması üçün məhkəməyə müraciət edib.
"Azərsu" ASC-nin Mətbuat xidməti və ictimaiyyətlə əlaqələr şöbəsinin rəhbəri Anar Cəbrayıllı Yeniavaz.com-a açıqlamasında məsələ ilə bağlı sakinlərə xəbərdarlıq edildiyini deyib:
"Sakinlərə bildirilib ki, su pulu verməsinlər, çünki şirkət yığılan məbləği “Azərsu”ya ödəmir. “”Yeni Bakı” Yaşayış Kompleksində su anbarı tikilməyib və bütün mənzillər sayğacla təmin edilməyib. Bundan başqa, orada çoxlu neqativ amillər var və vətəndaşlarla şirkət arasında mübahisələr var. Vətəndaşlara birmənalı demək istəyirəm ki, su pulu ödəməsinlər. Çünki o kompleksdə yığılan pullar “Azərsu”ya ödənilmir və borclar günü-gündən daha da artır”.
Məsələ ilə “Yeni Bakı” yaşayış kompleksinin nümayəndələri ilə əlaqə saxladıq. Şirkətdən məsələ ilə bağlı açıqlama verəcəklərini bildirsələr də, daha sonra telefonlarımıza cavab verilmədi.