Bizimlə əlaqə | Reklam
BolgeXeber.Com » Gündəm » "Maskanı yenidən məcburi edə bilərlər"- Deputatdan XƏBƏRDARLIQ

"Maskanı yenidən məcburi edə bilərlər"- Deputatdan XƏBƏRDARLIQ

25-08-2022, 14:00
Oxunub: 4 744 "Sentyabr ayından hökmən qabaqlayıcı tədbirlər görülməlidir. İnsanlarımızın sağlamlığının keşiyində durmaq, onların bu sahədə təhlükəsizliyini təmin etmək çox vacibdir”.

Bu sözləri açıqlamasında Milli Məclisin deputatı Elman Məmmədov ölkədə koronavirusa yoluxma hallarının sayının artmasına münasibət bildirərkən deyib.
Deputat qeyd edib ki, qonşu dövlətlərdə və ölkədəki epidemioloji vəziyyəti nəzərə alaraq sentyabrdan qabaqlayıcı tədbirlər görülməlidir:

"Sentyabrdan hökmən qabaqlayıcı tədbirlər görülməlidir. İnsanlarımızın sağlamlığının keşiyində durmaq, onların bu sahədə təhlükəsizliyini təmin etmək çox vacibdir. Dövlətimiz də həmişə bunu diqqət mərkəzində saxlayır. Ona görə də, vaxtaşırı məlumatlar verilir. Azərbaycanda da, dünya dövlətlərində də yoluxmaların sayının artması, azalması haqqında hər gün məlumatlar gedir. Dünənki xəbərlərdə də Türkiyənin Səhiyyə Nazirliyinin məlumatı getdi ki, Türkiyədə meymunçiçəyinə yoluxmaların sayı artır. Bütün bunları nəzərə alaraq, qonşu dövlətlərdəki, dünya dövlətlərindəki, bizimlə sıx əlaqələri olan dövlətlərdəki vəziyyəti, eyni zamanda ölkə daxilindəki epidemioloji vəziyyəti nəzərə alaraq, hökmən qabaqlayıcı tədbirlər görülməlidir. Hesab edirəm ki, bu məsələ ilə məşğul olan Qərargah da bunu diqqətdə saxlayır. Yəqin ki, lazımi tədbirlər görüləcək”. 
 

E.Məmmədov bildirib ki, tədbirlərin nələrdən ibarət olması Operativ Qərargahın verdiyi qərarlardan asılı olacaq: 

"İndi mən bu sahədə mütəxəssis deyiləm, ancaq başımıza gələnlər bizə örnək olmalıdır. Yoluxmanın dərəcəsindən asılı olaraq, ola bilər ki, kütləvi tədbirlərə də gedilsin, yəni demirəm olsun, amma ola bilər ki, müəyyən tədbirlər tətbiq edilsin. Yaxud ola bilər ki, maska məsələsinin yenidən məcburi olması gündəmə gətirilsin. Vəziyyətdən asılı olaraq, yoluxmanın sayı kütləviləşsə, məktəblərimizdə ola bilər ki, yenidən distant təhsilə keçirilə bilər. Bunların da hamısı mütəxəssislərin, Qərargahın verdiyi qərarlardan asılı olacaq”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]