BolgeXeber.Com » Gündəm » Prezident: "Azərbaycan ilə Serbiyanın dostluğu əbədi olacaq"

Prezident: "Azərbaycan ilə Serbiyanın dostluğu əbədi olacaq"

23-11-2022, 18:04
Oxunub: 576 Azərbaycan ilə Serbiyanın dostluğu əbədi olacaq.
Bolgexeber.com xəbər verir ki, bu barədə Azərbaycan Prezidenti İlham Əliyev Serbiya Prezidenti Aleksandar Vuçiçlə birgə Belqradda keçirilən mətbuat konfransında bildirib.
Dövlət başçısı deyib ki, Azərbaycan və Serbiya hərbi-texniki sahədə əməkdaşlıq edir:
"Bu əməkdaşlığın daha da dərinləşməsi və geniş vüsət alması istiqamətində əlavə addımlar atılacaq".
“Biz bu gün növbəti illər üçün bir sözlə bir gündəlik tərtib etdik. Prezidentlər bu gündəliyi, əlbəttə ki, öz diqqətində saxlayacaq, bu məsələlərin icrasına nəzarət edəcək. Bunu daha operativ və səmərəli şəkildə etmək üçün, əlbəttə ki, biz tez-tez görüşməliyik. Mən əziz dostumu, Prezident Vuçiçi Azərbaycana səfərə dəvət etdim. Hesab edirəm ki, ilin sonuna qədər bu səfər gerçəkləşə bilər və ondan sonra, əlbəttə ki, mən də yenidən gələcəyəm ”, - Azərbaycan Prezidenti qeyd edib.
Dövlət başçısı yenidən Serbiyada olmağından məmnunluğunu ifadə edərək deyib:
“Belə səfərlərimiz çox olacaq. Bizim dostluğumuz da əbədi olacaq”.