BolgeXeber.Com » Gündəm » Ekoloji pozuntular xeyli azalıb

Ekoloji pozuntular xeyli azalıb

6-12-2022, 18:01

Oxunub: 3 448

BÖLGƏ TV-nin “Ekologiyamızı necə qoruyaq” rubrikası davam edir. Bu dəfə rubrika çərçivəsində əməkdaşlarımız Yevlax, Ağdaş rayonları və Mingəçevir şəhərində olublar.
8 saylı Regional Ekologiya və Təbii Sərvətlər İdarəsinndən bizə bildirdilər ki, idarəyə vaxtaşırı olaraq daxil olan məlumatlar araşdırılır, problemlərin çoxu həll olunur və bu barədə nazirliyə məlumat verilir:
“İdarənin əməkdaşları mütəmadi olaraq ərazidə reydlər keçirir, bütün lazımi tədbirlər görülür.
İdarəmiz rəhbərliyin verdiyi bütün tapşırıqların və qərarların icra olunmasına nəzarət edir.
Əməkdaşlarımız tərəfindən mütəmadi olaraq ərazilərə reydlər edilir, qanunsuz balıq ovunun, torpaq daşınmalarının, ağacların kəsilməsinin və digər ekoloji pozuntuların qarşısı alınır.
Ekologiyanı pozanlara qarşı mütəmadi keçirilən reydlər zamanı qanun pozuntuları aşkar olunanda bunu aktlaşdıraraq aidiyyatı qurumlara göndəririk və idarəmiz tərəfindən lazımi tədbirlər görülür və bundan sonra da görüləcəkdir.”
BÖLGƏ TV-nin əməkdaşları adıçəkilən rayonlarda sakinlərlə də görüşərək söhbətlər ediblər, sorğu aparıblar.
Sakinlər də təsdiq ediblər ki, son illər ekoloji pozuntular çox azalıb, rayonlarında mütəmadi olaraq əğaclar əkilir, yaşıllıqlar salınır.
Adıçəkilən ərazilərdə ekologiyanın necə qorunması haqqında əməkdaşlarımızın hazırladığı geniş reportajı yaxın saatlarda izləyə bilərsiniz.

Çox Oxunanlar