Günün koronavirus statistikası açıqlandı

Azərbaycanda koronavirus (COVİD-19) infeksiyasına son sutkada 31 yeni yoluxma faktı qeydə alınıb, 36 nəfər müalicə olunaraq sağalıb.

Nazirlər Kabineti yanında Operativ Qərargahdan Bolgexeber.com-a verilən məlumata görə, 1 nəfər xəstəlikdən vəfat edib.

İndiyədək ölkədə ümumilikdə 828 137 nəfərin koronavirus infeksiyasına yoluxması faktı müəyyən edilib, onlardan 817 884 nəfər müalicə olunaraq sağalıb, hazırda 156 aktiv xəstə var. Bu günə qədər 10 097 nəfər vəfat edib.

Son sutka ərzində yeni yoluxma hallarının müəyyənləşdirilməsi ilə əlaqədar 1 830, bu günə qədər isə ümumilikdə 7 500 674 test icra olunub.