Qarabağa qayıdıb, türklərlə birgə yaşamaq? – Erməni “komandir”

Mən bunu qeyri-mümkün hesab edirəm.

Bölgə TV xəbər verir ki, bu sözləri qondarma və keçmiş “dq”nin “müdafiə qüvvələrinin birinci komandanı” Arkadi Karapetyan erməni mediasına müsahibəsində “Beynəlxalq sülhməramlıların yerləşdiriləcəyi təqdirdə Qarabağa qayıtmaq mümkündürmü” sualına cavab verərkən deyib.

O bildirib ki, biz tamamilə fərqli xalqlarıq, “müxtəlif sivilizasiyaların sahibiyik”:

“Türklərin (azərbaycanlıların – red.) islamla heç bir əlaqəsi yoxdur. Biz azərbaycanlılarla, türklərlə yaşaya bilmərik. Türk hər addımda ermənini aşağılamaq istəyir. Guya deyirlər ki, əvvəllər dinc yaşamışıq. Sovet dövründə də belə olmayıb. Bəziləri deyir ki, o vaxt yaxşı yaşayırdıq, amma belə bir şey yoxdur. Türklə yaxşı yaşayan türkün altında yaşayırdı”.