Bizimlə əlaqə | Reklam
BolgeXeber.Com » Gündəm » Goranboy rayon icra hakimiyyətinə basqın oldu

Goranboy rayon icra hakimiyyətinə basqın oldu

1-07-2011, 21:25
Oxunub: 7 884 silahli şəxs Goranboy rayon icra hakimiyyətində insident yaradıb.

Bolgexeber.com APA-nın Qarabağ bürosuna istinadən xəbər verir ki, Goranboy rayon sakini, keçmiş polis əməkdaşı, 45 yaşlı Qasımov Rəhman Allahverdi oğlu özünə məxsus qoşalülə ov tüfəngi ilə Goranboy rayon icra hakimiyyətinə basqın edib. Hadisəyə səbəb Rəhman Qasımovun Goranboy Rayon Polis Şöbəsinin rəisi Məhəmməd Məmmədovdan maddi kömək istəməsi olub. Xəstə olduğunu əsas gətirərək maddi kömək istəyən Qasımova hər hansı bir kömək etmək imkanının olmadığı bildirildikdə o evindən qoşalülə ov tüfəngini götürüb etiraz əlaməti olaraq Goranboy icra hakimiyyətinə gəlib. İcra hakimiyyətinin əməkdaşları onu sakitləşdirməyə çalışdıqları vaxt hadisə yerinə gələn Məhəmməd Məmmədovu görən Qasımov onu atəş açacağı ilə hədələyib. Lakin Qasımov tərksilah olunub və polis əməkdaşları tərəfindən həbs edilib.

Goranboy rayon İcra Hakimiyyəti başçısının birinci müavini Baxış Abdullayev APA-nın Qarabağ bürosuna bildirib ki, insident zamanı heç kəs xəsarət almayıb və RİH-nə hər hansı maddi zərər dəyməyib.

Faktla bağlı Goranboy rayon polis şöbəsində araşdırma aparılır.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]