BolgeXeber.Com » Gündəm » “AST Telman”in hotelində 2,5 milyon avroluq toy

“AST Telman”in hotelində 2,5 milyon avroluq toy

2-08-2011, 19:55

Oxunub: 5 941

İyul ayında 2 milyon avroluq bir hind toyuna səhnə olan Antalyadakı “Mardan Palace” hoteli daha bir möhtəşəm ziyafətə hazırlaşır.

Bolgexeber.com-unTürkiyə mediasına istinadən verdiyi məlumata görə, azərbaycanlı biznesmen Telman İsmayılova məxsus hoteldə hindistanlı milyarderlərin təşkil edəcəyi növbəti toyun qiyməti isə 2,5 milyon avrodur. Adları açıqlanmayan hind milyarderlərinin övladlarının toyunda 600 nəfərin iştirakı gözlənilir. Qonaqlar toydan 6 gün əvvəl 3 xüsusi təyyarə ilə Dehli və Qao şəhərlərindən Antalyaya gələcəklər, hoteldə yerləşdiriləcəklər.

Hoteldən verilən məlumata görə, bu ilin yanvarından bəri 8 toy mərasimi təşkil edilib və bu rəqəm ilin sonunadək 20-yə çatacaq. Həmçinin bildirilib ki, “Mardan Palace”də keçirilən ən ucuz toy mərasimində bir nəfərlik yerin qiyməti 250 avrodan başlayır.
Qeyd edək ki, T.İsmayılov Türkiyənin Antalya istirahət bölgəsində tikdirdiyi bu möhtəşəm kompleks üçün 1,5 milyard dollar xərcləyib.

Çox Oxunanlar