Bizimlə əlaqə | Reklam
BolgeXeber.Com » Analitika » Əli İnsanovdan daha bir səs-küylü bəyanat

Əli İnsanovdan daha bir səs-küylü bəyanat

11-09-2014, 08:55
Oxunub: 4 251 Məhkəmə sabiq nazirə bu ittihamlar əsasında 11 il həbs cəzası kəsib

Həbsdə olan sabiq səhiyyə naziri Əli İnsanov Avropa İnsan Haqları Məhkəməsinə müraciət edərək 13 saylə cəzaçəkmə müəssisəsindəki (CM) ağır və dözülməz saxlanma şəraitindən şikayətlənib.

Virtualaz.org saytı xəbər verir ki, bu barədə sabiq nazirin vəkili Toğrul Babayev məlumat yayıb.

Məlumata görə, Ə.İnsanovun müraciətində bildirilir ki, Avropa Məhkəməsi onun hüquqlarının pozulması faktını qəbul və təsdiq edib, Azərbaycan hökumətini buna görə hətta 10 min manat məbləğində cərimə də edib, lakin bu qərar bu günədək yerinə yetirilməyib.

Bundan əlavə, sabiq nazirin bəyanatında deyilir ki, onun 13 saylı CM-dəki saxlanma şəraiti Avropa Məhkəməsi tərəfindən işgəncəyə məruz qalma faktı kimi tanınıb, amma sabiq nazir hələ də başqa CM-ə köçürülməyib.

Xatırladaq ki, Əli İnsanov 2005-ci il parlamnet seçkiləri ərəfəsində həbs olunub. O, əvvəlcə dövlət çevrilişinə cəhddə ittiham edilib. Sonra sabiq nazirə qarşı ittihamlar dəyişdirilərək ayrı maddəyə tövsif olunub. 2007-ci ilin aprelində Ə.İnsanovu iqtisadi cinayətlərdə ittiham ediblər. Məhkəmə sabiq nazirə bu ittihamlar əsasında 11 il həbs cəzası kəsib. Avropa Məhkəməsi isə İnsanovun işini araşdırarkən Avropa Konvensiyasının 3 və 6-cı maddələrinin pozulduğunu bəyan edib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]