Bizimlə əlaqə | Reklam
BolgeXeber.Com » Analitika » Artur Rasizadənin atasının məzarı axtarılır - FOTO

Artur Rasizadənin atasının məzarı axtarılır - FOTO

15-09-2014, 16:45
Oxunub: 4 503 Krımda Azərbaycanın baş naziri Artur Rasizadənin atasının məzarının axtarışları başlanılıb

Azərbaycan diasporasının sədri Rəhim Hümmətov vesti.az-a açıqlamasında belə deyib.

Onun sözlərinə görə, İkinci Dünya müharibəsində Krım cəbhəsində bölük komandiri kiçik leytenant Rasizadə Tahir Məmməd oğlu 1942-ci ilin fevral ayında gedən şiddətli döyüşlər zamanı itkin düşüb.

"Krım cəbhəsi komandanlığı 27 fevral 1942-ci ildə alman hərbi qüvvələrinə yerləşdiyi yüksəkliyə hücum hazırlayıb. Hücum planının zəifliyi ucbatından yüksəkliyə 3 dəfə hücum cəhdi uğursuz alınıb. Sovet ordusu bu döyüşlərdə 89 min əsgər itirib, onlardan çoxu əsir düşüb. Yerli sakinlər sonralar almanların əmri ilə həlak olmuş əsgərləri səngərlərdə, mədənlərdə dəfn ediblər. Cəbhədəki çətin vəziyyət bir çox hərbi qulluqçuların taleyi haqqında dəqiq məlumat əldə etməyə imkan verməyib. Bu səbəbdən də onlar itkin düşmüş elan ediliblər." - deyə Hümmətov bildirib.

Artur Rasizadənin atasının məzarı Krımdakı qardaşlıq məzarlıqlarında axtarılacaq. Bu məzarlıqların bəzilərində şəxsiyyəti müəyyən edilməmiş yüzlərlə, bəzilərində isə minlərlə sovet əsgəri və komandiri uyuyur.

"Təəssüflər olsun ki, bizim Tahir Rasizadənin axtarışları ilə səylərimiz müsbət nəticə verməyib. Lakin biz ümidimizi itirməmişik, Baş nazir Artur Rasizadənin atasının dəfn edildiyi yeri tapacağıq."
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]