Bizimlə əlaqə | Reklam
BolgeXeber.Com » Analitika » 105 milyard dollarlıq neft gəlirimizin 68 milyardı xərclənib

105 milyard dollarlıq neft gəlirimizin 68 milyardı xərclənib

20-09-2014, 11:00
Oxunub: 4 390 İndiyədək Dövlət Neft Fonduna 105 milyard dollardan çox vəsait daxil olub

Fondun icraçı direktoru Şahmar Mövsümovun jurnalistlərə verdiyi məlumata görə, bu vəsaitlərin böyük hissəsi xərclənib, hazırda fondda 37 milyard dollardan yuxarı vəsait var. İcraçı direktorun sözlərinə görə, fond vəsaitləri qaçqın və məcburi köçkünlərin həyat şəraitinin yaxşılaşdırılmasına, Bakı-Tbilisi-Ceyhan əsas ixrac neft boru kəmərində Azərbaycanın payının maliyyələşdirilməsinə, Bakı-Tbilisi-Qars dəmir yolunun maliyyələşdirilməsinə, Oğuz-Qəbələ su kəmərinin, Taxtakörpü su anbarının tikintisinə, Samur-Abşeron kanalının yenidən qurulmasına, tələbələrin xarici ölkələrin universitetlərində oxumasına yönəldilib.
Ş.Mövsümov bildirib ki, növbəti illərdə bütün layihələr üzrə Dövlət Neft Fonduna 200 milyard dollara yaxın vəsaitin daxil olması gözlənilir. O həmçinin qeyd edib ki, bu gün təməli qoyulan Cənub Qaz Dəhlizinin maliyyələşdirilməsi ARDNF-in vəsaiti hesabına həyata keçiriləcək: “Bu maliyyələşdirmə həm Azərbaycanın dövlət payının maliyyələşdirilməsi, həm də ARDNŞ-in nizamnamə kapitalının artırılması ilə həyata keçiriləcək. Biz əminik ki, bu vəsaitlər səmərəli istifadə olunacaq, Cənub Qaz Dəhlizi işə salınacaq və bu vəsaitlər əldə olunan gəlirlər hesabına Neft Fonduna qaytarılacaq”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]