Bizimlə əlaqə | Reklam
BolgeXeber.Com » Analitika » Bakıda tıxac var, amma o, "tıxac indeksi"ndə yoxdur

Bakıda tıxac var, amma o, "tıxac indeksi"ndə yoxdur

5-04-2015, 13:34
Oxunub: 5 097 Bakıda tıxac var, amma o, "tıxac indeksi"ndə yoxdurAvtomobillər üçün GPS naviqasiya-səmtləmə vasitələri istehsal edən Hollandiyanın “Tom Tom” şirkətinin hazırladığı “Şəhərlərin nəqliyyat tıxacı” indeksində ən sıx tıxaclara görə ilk üç yeri İstanbul, Mexiko və Rio-de-Janeyro şəhərləri tutub

2014-cü ili əhatə edən bu reytinqdə Moskva 4-cü, Rusiyanın ikinci böyük şəhəri Sankt-Peterburq isə 7-ci yerdədir.

Rusiya paytaxtının rəhbərliyi nəticədən razıdır. Bundan əvvəlki illərdə Moskva tıxac reytinqinə birincilik edib.

5-6-cı yerləri Braziliyanın Resifi və Salvador şəhərləri tutub. Buxarest, Varşava, Los-Anceles də birinci onluğa daxil olublar.

“Tom Tom” indeksinin müqəddiməsində deyilir ki, reytinqə dünyanın 218 şəhəri daxil edilib. ABŞ, Rusiya, Çin kimi ölkələrin bu siyahıda bir neçə şəhəri olsa da Bakı da daxil olmaqla keçmiş sovet respublikalarından bu indeksə heç bir şəhər salınmayıb.

İndeksdə London 16, Nyu-York 45, Dubay 58-ci yerdədir.

“Castrol” şirkətinin tərtib etdiyi “Magnatec Stop-Start index” reytinqində də Bakı yoxdur.

Bu ilin fevral ayında açıqlanmış bu indeksdə ən sıx nəqliyyata və tıxaclara malik şəhər İndoneziyanın Cakartası olub. İstanbul bu reytinqdə ikinci yeri tutub.

Bu indeksdə sonrakı yerləri Mexiko, Surabaya (İndoneziya), Sankt-Peterburq və Moskva tuturlar.

Tıxacın antonimi sürətli küçələr deməkdir. “Anti-tıxac” siyahısında 1-ci yeri küçələri rəvan axına malik Tampere (Finlandiya) tutub.

İndeks tərtibatçıları yazırlar ki, sürətli və rəvan nəqliyyat axını küçələrin boş olması demək deyil. Sadəcə olaraq belə şəhərlərdə nəqliyyatın hərəkəti daha düzgün təşkil edilib.

Küçələri ilə ən rahat hərəkət edilən şəhərlər bunlardır: Rotterdam (Hollandiya), Bratislava (Slovakiya) və Əbu Dabi ("Azadlıq" radiosu).
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]