"Azərsu" rəhbərliyi uğrunda mübarizə... - Qorxmaz Hüseynovun rəqibi kimdir?
28-04-2015, 10:28
Oxunub: 5 209
«Azərsu» ASC uğrunda start götürmüş savaşın yeni tərəfləri ortaya çıxıbDaha doğrusu, çoxdan bəri üzdə olan məsələ bir qədər səngisə də, yenidən «alovlanıb». JAM.AZ-ın əldə etdiyi məlumata görə, son günlər ASC-nin prezidenti Qorxmaz Hüseynovun əleyhinə mətbuatda yayımlanan məlumatların əksəriyyətinin konkret təşkil olunmuş proses əsnasında həyata keçirildiyi məlum olub.
Həmin məlumatlara görə, Qorxmaz Hüseynovu «devirib», onun yerinə gəlmək istəyən əsas fiqurlardan biri bir vaxtlar «Azərsu»da vitse-prezident olmuş, daha sonra isə vəzifəsindən uzaqlaşdırılan, hazırda isə «Aqrotikinti» ASC-yə təyinat almış Zaman Novruzovdur. JAM.AZ-a verilən məlumatda deyilir ki, hələ Nizaməddin Rzayev işdən çıxarılan zaman ASC-yə prezident təyin olunacağına böyük ümidlər bəsləyən, hətta bir müddət özünü şirkətin rəhbəri kimi təqdim edən Zaman Novruzovun arzuları reallaşmamışdı. O dönəmdə «Azəryolservis»in rəhbəri olan, bir müddət əvvəl isə Azərbaycan Dəmir Yolları İdarəsinin rəisi postuna təyinat almış Cavid Qurbanova ümid bəsləyən sözügedən şəxsin planı baş tutmamışdı.
Qeyd edilir ki, Zaman Novruzov artıq «Azərsu»ya rəhbər gəlmək üçün mətbuatın gücündən istifadə etməyə başlayıb. JAM.AZ-a daxil olan məlumata görə, son bir ildə yerli mətbuat orqanlarında ASC rəhbərliyi haqqında yayılmış məlumatların «memarı» da məhz sözügedən şəxs olub. Və hazırda həmin prosesin davam etdiyi vurğulanır.
«Azərsu»dakı vəziyyətlə bağlı geniş bilgiləri olan Zaman Novruzovun, həmçinin ASC-də etibar etdiyi adamların da az olmadığı deyilir. Bildirilir ki, onlar vasitəsi ilə məlumat əldə edən keçmiş vitse-prezident həmin bilgiləri mətbuatda yaxınlarına ötürərək, Qorxmaz Hüseynov haqqında mənfi rəy yaratmağa çalışır. Və demək olar ki, istəyinə qismən çatmaq üzrədir.
Elə Qorxmaz Hüseynov da boş-bekar oturmayıb. Hərçənd o, vəzifəsini qorumaq üçün bir sıra addımlar atsa da, onların heç biri yetərli həddə olmayıb. Çünki iri layihələrdən korrupsiyanın boylanması, görülən işlərin əksəriyyətinin keyfiyyətsiz həddə olması ASC rəhbərinin başının bəlasına çevrilib. Üstəlik, daxildə ona qarşı olanların da fəallaşması və Zaman Novruzovla birləşməsi işlərini daha da çətinə salıb.
Mövzu ilə bağlı araşdırmamız davam edir. Yazıda adları çəkilən şəxsləri də dinləməyə hazırıq.
BOLGEXEBER.COM
Çox Oxunanlar
- 7-06-2025, 17:45 : Türkiyədə güclü meşə yanğını olub
Dünya / Xəbərlər - 21-06-2025, 17:51 : İran təcili çağırış etdi
Dünya / Xəbərlər - 11-06-2025, 17:31 : Boksçumuz doğum günündə uğur qazandı
İdman / Xəbərlər - 28-06-2025, 18:23 : Azərbaycan Pakistana başsağlığı verdi
Siyasət / Xəbərlər - 7-06-2025, 15:38 : Məşhur futbolçu "İnter" də- Rəsmi
İdman / Xəbərlər - 9-06-2025, 14:55 : Yasda ehsan verilməsi ləğv olundu
Sosial / Bölgə / Xəbərlər - 9-06-2025, 14:14 : Ən yaxşı futbolçu titulunu o qazandı
İdman / Xəbərlər - 9-06-2025, 10:25 : UEFA Millətlər Liqasının qalibi müəyyənləşib
İdman / Xəbərlər - 11-06-2025, 11:10 : "Qarabağ" 5 pillə gerilədi
İdman / Xəbərlər - 12-06-2025, 12:18 : PSJ yeni formasını təqdim etdi
İdman / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
