BolgeXeber.Com » Analitika » Əhəd Abıyev: “Elza Seyidcahan özünə güvənirsə...”

Əhəd Abıyev: “Elza Seyidcahan özünə güvənirsə...”

28-08-2015, 09:49

Oxunub: 4 947

Elza Seyidcahan müstəqil vətəndaşdır və özünə güvənirsə, deputatlığa namizədliyini irəli sürə bilər

Bu sözləri axar.az-a açıqlamasında Daşkəsən rayon icra başçısı Əhəd Abıyev deyib.

Bir müddət əvvəl əməkdar artist E.Seyidcahan seçkilərdə iştirakını bəyan edəndə Ə.Abıyev “O, getsin dovşanları ilə oynasın, heyvanlara mahnı bəstələsin, deputatlıq onun işi deyil” cavabını vermişdi.

Bu günlərdə müğənninin yenidən namizəd olacağını söyləməsinə icra başçısının münasibəti belə olub:

“Mən onun deputat seçilib-seçilməyəcəyini deyə bilmərəm. Bir deputat kimi nə dərəcədə istedadlı, bacarıqlı olacağını da söyləmək çətindir. Amma özünə inamı varsa ki, ona səs veriləcək, namizədliyini irəli sürə bilər”.

Ə.Abıyev rayonda seçkilərə yüksək səviyyədə hazırlıq getdiyini bildirib:

“Daşkəsəndə avqustun 26-da konfrans keçirildi, məntəqələr düzəldilib, tam şərait yaradılıb. Biz istəmərik ki, Daşkəsəndə hər hansı nöqsan olsun və buna görə respublikanın adı hallansın. Əmin edirəm ki, tam şəffaf seçki mühiti yaradılacaq. Bizim işimiz bundan ibarətdir və namizədlərə də uğurlar arzu edirəm”.

İcra başçısı qeyd edib ki, seçkilərdə seçici aktivliyi yüksək olacaq:

“Daşkəsənlilərin seçkidən xoşu gəlir. Mən bu rayonda prezident və bələdiyyə seçkilərində də seçici fəallığının yüksək səviyyədə olduğunu görmüşəm”.

Əhəd Abıyev rayonda görülən işlərdən də danışıb:

“Hazırda evlərin dam örtükləri yenilənir, iki nəhəng körpü salınır, bütün işlər plan üzrə gedir. Bilirsiniz ki, bu zonada qış sərt keçir, şaxta olur, bütün hazırlıqları görürük. Qaz, işıq, su problemləri həllini tapır. İnsanlar da bu iqlimə öyrəşiblər”.
Bolgexeber.com

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]