BolgeXeber.Com » Analitika » “3 milyon Tağı Əhmədov üçün “tum pulu”dur”

“3 milyon Tağı Əhmədov üçün “tum pulu”dur”

26-04-2016, 15:30

Oxunub: 5 656

İqtisadçı Rövşən Ağayev Bakı Metropoliteninin keçmiş rəisi Tağı Əhmədovun keçmiş MTN zabiti Akif Çovdarova 3 milyon manat xərac verməsi xəbərinə maraqlı aspektdən münasibət bildirib

Onun facebook səhifəsində yazdığını təqdim edirik.

Metopolitenin keçmiş rəisi Tağı Əhmədovun keçmiş MTN-çilərə 3 milyon manat rüşvət verməsinə deyəsən təccüblənənlər də var. Ki bəs bu qədər pulu kişi “dəmir relslər”dən necə çıxarırmış.

Əgər istənilən dövlət müəssisəsinin (şirkətinin) əlində yüz milyonluq dövriyyəsi varsa, 3 milyon həmin müəssisənin rəhbərinin “tum pulu”dur.

2007-2013-cü illər Əhmədovun ən böyük pul dövriyyəsinə sərəncam verdiyi illərdi. Həmin dövrdə dövlət büdcəsindən metro tikintisinə 1.250 milyard manat, subidiya kimi təxminən 100 milyon manat ayrılıb – bu ota hesabla ilə 192 milyon manat deməkdir. Amma iş bununla bitmir – metronun özünün də illik gəlirləri var.

Hələ Tağı müəllimin dövründə – metroda gediş haqlarının artmadığı vaxtlarda məlumatlı şəxslərdən aldığımız məlumat əsasında belə bir təqribi qiymətləndirmə aparmışdıq ki, metropolitenin gediş haqlarından, ticarət obyektlərindən topladığı haqlardan və reklam haqlarından gəlirləri 60-70 milyon manatdan az deyil.

Yəni Tağı müəllim 7 il ərzində ən azı 250-260 milyon manata sərəncam verən səlahiyyətli şəxs olub.

Dövlət vəsaitləri üzərində effektiv ictimai və rəsmi nəzarəti mexanizmlərinin olmadığı şəraitdə 250 milyondan nə qədər qazanmağın mümkünlyünü təsəvvür etmək belə çətin…

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]