BolgeXeber.Com » Analitika » Broyler toyuğu və qaraciyərini yeməyin – Pediatrdan xəbərdarlıq

Broyler toyuğu və qaraciyərini yeməyin – Pediatrdan xəbərdarlıq

15-03-2019, 12:54

Oxunub: 8 598

Broyler toyuqlarının necə yetişdirilməsi, tərkibində hormonal preparatlar və antibiotiklərin olması və bütün bunların insan orqanizminə, xüsusilə uşaqlara zərəri barədə dəfələrlə xəbərdarlıq xarakterli materiallar yazılıb

Bolgexeber.com Medicina.az-a istinadən xəbər verir ki, pediatr həkim Vaqif Qarayev də broyler toyuğu və ayrıca satılan toyuq qaraciyərinin təhlükəli olması barədə açıqlama verib.
Onun sözlərinə görə, toyuğu antibiotiklərdən təmizləmək üçün bu qaydalara əməl olunmalıdır:
“1. Toyuğu qaynatdıqdan sonra bulyonu mütləq atılmalıdır.
2. Toyuğun qara ciyəri və böyrəkləri də atılmalıdır və qətiyyən alınmamalıdır. Çünki antibiotik və toksinlər toyuğun ən çox dərisi, qaraciyəri və böyrəklərində toplanır.
3. Toyuğu duz və limon şirəsi əlavə edilmiş suda 2 saat saxlayıb, sonra bişirmək lazımdır”.
V.Qarayev bu metodların az da olsa zərərsizləşdirici tədbir kimi işə yarayacağını bildirsə də, ümumiyyətlə broyler toyuğu və içalatı almamağı məsləhət görüb:
“Aqrar sektorda istifadə olunan gübrələrdə də antibiotik var. Ona görə də bugünkü antibiotikərin artıq təsir etməməsi barədə də məlumatlar çoxalır və dünya səhiyyəsi supergüclü antibiotik axtarışındadır”.
Satışa icazəsi olmayan, mənşəyi naməlum, xüsusən restoran və şadlıq evlərində masaya gətirilən, hardan əldə olunduğu məlum olmayan toyuqlardan uzaq durmaq tövsiyyə edilir.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]